नगर भूमापन कार्यालयाकडून मौजे नेवरे व मौजे कोतवडे येथे ३० सप्टेंबर रोजी फेरफार अदालत

रत्नागिरी, दि. 22 ):- महाराजस्व अभियान सेवा पंधरवडा अंतर्गत दिवस कृती आराखड्याच्या अनुषंगाने नाविन्यपूर्ण उपक्रम राबविण्यात येत आहेत. त्याचाच एक भाग म्हणून नगर भूमापन कार्यालयामार्फत रत्नागिरी तालुक्यातील मौजे नेवरे व मौजे कोतवडे येथे 30 सप्टेंबर रोजी जिवंत मिळकत पत्रिका व फेरफार अदालत उपक्रमाचे आयोजन करण्यात आले आहे. नागरिकांनी या सेवेचा लाभ घ्यावा असे आवाहन नगर भूमापन कार्यालयाने केले आहे.
मिळकत पत्रिकेवरील मयत धारकांचे वारस नोंदीबाबतची संपूर्ण प्रक्रिया उपक्रमात पार पाडली जाणार आहे. मिळकत पत्रिकेवरील धारकाची नावे अद्यावत केली जाणार आहेत. हा उपक्रम मौजे नेवरे व मौजे कोतवडे येथे घेणेत येणार असून, नागरिकांना कार्यालयात न येता घरपोच सेवा उपलब्ध करुन देण्यात येणार आहे.