मिरकर वाडा येथील मच्छीमारी नौका बुडाली, सहा खलाशाना वाचवले, दोन जण बेपत्ता

मिरकरवाडा येथील मासेमारी नौका मच्छीमारी करून बंदरात परतताना भगवती बंदर येथे समुद्रात बुडाल्याची घटना रविवारी रात्री सात वाजण्याच्या सुमारास घडली. या बोटीवर आठ खलाशी असल्याची प्राथमिक माहिती उपलब्ध झाली आहे. यापैकी सहा खलाशांना स्थानिक मासेमारी नौकेने वाचवले. बुडालेल्या मच्छीमार बोटीवरील दोन खलाशी अद्यापही बेपत्ता असून त्यांचा शोध सुरू आहे. नौका बुडाल्यानंतर स्वतःचा जीव वाचवण्यासाठी खलाशांनी एक तास पोहत किनारा गाठण्याचा प्रयत्न केला. अखेर एका स्थानिक नौकेवरील खलाशांनी बुडणाऱ्या सहा खलाशांना बोटीवर घेतले. मात्र अद्याप दोघांचा शोध लागलेला नसल्याचे कळत आहे