रत्नागिरी रेल्वेस्टेशन जवळ फणस काढण्यासाठी चढलेला तरूण झाडावरुन पडून जखमी

रत्नागिरी रेल्वेस्टेशननजीकच्या झाडावरुन फणस काढताना खाली पडल्याने तरुण जखमी झाला. ही घटना मंगळवारी सकाळी ८.३० च्या सुमारास घडली. वटपौर्णिमेच्या पार्श्वभूमीवर रत्नागिरीत फणस खरेदी करण्यासाठी आलेल्या प्रवीण धीरु बुटीया (३२, रा. पनवेल, जि. रायगड) असे जखमी तरुणाचे नाव आहे. त्याला पुढील उपचारासाठी मुंबईत पाठवण्यात आले आहे. प्रवीण बुटीया व त्यांचे काही मित्र वटपौर्णिमेसाठी फणस विक्री करण्याच्या उद्देशाने रत्नागिरीत आले होते. येथे आल्यानंतर मंगळवारी सकाळी रेल्वेस्टेशन येथील संगम रेसिडेन्सी हॉटेलमागील परिसरात असलेल्या फणसाचे फणस खरेदी केले होते. फणस काढण्यासाठी झाडावर सर्व मित्र चढले. त्यात प्रवीणही होता. पण नुकताच लागून गेलेल्या पावसामुळे झाड ओले झाले होते. इतर मित्र झाडावरुन खाली उतरले, पण प्रवीणचा झाडावरुन पाय सरकला व तो पडला. यात त्याच्या डोक्याला गंभीर दुखापत झाली. त्याला उपचारासाठी जिल्हा रुग्णालयात दाखल केले होते. अधिक उपचारासाठी मुंबईत हलविण्यात आले आहे.www.konkantoday.com