नांदिवडे-जयगड येथील वृध्दाची आजारपणाला कंटाळून गळफास घेत आत्महत्या

रत्नागिरी तालुक्यातील नांदिवडे-जयगड येथील वृध्दाने आजारपणाला कंटाळून राहत्या घरी गळफास घेत आत्महत्या केली. मुरलीधर मुकुंद शिरधनकर (69,रा.नांदिवडे जयगड,रत्नागिरी) असे गळफास घेत आत्महत्या केलेल्या वृध्दाचे नाव आहे. मुरलीधर शिरधनगर यांना मागील दोन महिन्यांपासून मणक्याचा त्रास होत असल्याने त्यांना कोणतेही काम करणे शक्य होत नव्हते. आपल्या या आजारपणाला कंटाळून त्यांनी स्वयंपाक घरातील छताच्या लोखंडी बारला नायलॉन दोरीने गळफास घेत आत्महत्या केली.ही घटना बुधवार 1 मे रोजी सकाळी 8.45 वा. सुमारास उघडकीस आली. याप्रकरणी जयगड पोलिस ठाण्यात आकस्मिक मृत्यूची नोंद करण्यात आली आहे.www.konkantoday.com