रत्नागिरीतल्या पहिल्याच NCMC स्मार्ट कार्ड शिबिराला प्रभाग क्रमांक ४ कोकणनगर, कीर्तिनगर व नगरपरिषद वसाहत मधील नागरिकांचा उत्स्फूर्त प्रतिसाद
राज्य शासनाने व एस.टी महामंडळाने सर्व महिला व ज्येष्ठ नागरिकांना एस.टी प्रवासामध्ये सवलत दिलेली आहे आणि त्या सुविधा पुढे चालू राहण्यासाठी शासनाने NCMC स्मार्टकार्ड बंधनकारक केलेले आहे. सदर कार्ड काढण्यासाठी शासनाने एस.टी स्टँड येथे केंद्र उपलब्ध करून दिलेले आहे तालुक्याच्या ठिकाणी एकच केंद्र असल्यामुळे नागरिकांची प्रचंड गर्दी असते व त्यांना तासंतास रांगेत थांबावे लागते सदर NCMC कार्ड आपल्या प्रभागातील महिला व ज्येष्ठ नागरिकांना सोयीस्कर रित्या कशा प्रकारे उपलब्ध होईल या दृष्टिकोनातून रत्नागिरी नगर परिषद प्रभाग क्रमांक ४ कोकणनगर, कीर्तिनगर व नगरपरिषद वसाहत चे नगरसेवक श्री केतन उमेश शेट्ये व सौ फौजिया मुजावर तसेच महापुरुष मित्रमंडळ कोकणनगर चे सदस्य श्री विशाल कदम यांनी एस.टी महामंडळ यांच्याशी संपर्क साधून प्रभागातील नागरिकांसाठी प्रभागात दिनांक ०५/०७/२०२६ रोजी शिबिर आयोजित करण्यात आले.सदर शिबिरामध्ये सुमारे दीडशे महिला व ज्येष्ठ नागरिकांनी आपले स्मार्ट कार्ड काढले सदर शिबिरास महिला व ज्येष्ठ नागरिकांनी उत्स्फूर्त प्रतिसाद दिला तसेच नागरिकांनी स्थानिक नगरसेवकांचे आभार मानले. विशेष बाब म्हणजे हे शिबिर रत्नागिरी तालुक्यातले पहिलेच NCMC कार्ड नोंदणी शिबिर आहे जे प्रभाग क्रमांक ४ मध्ये आयोजित करण्यात आले होते. प्रभागातील ज्येष्ठ नागरिक सौ विशाखा पाटोळे यांनी स्थानिक नगरसेवक प्रभागातील नागरिकांच्या समस्या जाणून घेऊन वेळोवेळी अनेक प्रकारची लोकउपयोगी शिबिर आयोजित करतात व त्या माध्यमातून शासनाच्या सर्व उपक्रमांचा लाभ आपल्याच प्रभागात घेता येतात त्यासाठी नगरसेवकांचे विशेष आभार मानले व असेच नागरिकांच्या लोकहिताची कामे पुढेही करत राहावे ह्या शुभेच्छा दिल्या.
सदर शिबिरास एस.टी महामंडळाचे अधिकारी श्री खरे साहेब व सनवील एंटरप्राइजेस चे व्यवस्थापक श्री संदीप चव्हाण यांचे विशेष हातभार लागले.सदर शिबिराला यशस्वी करण्यासाठी नगरपरिषद वसाहत गृहनिर्माण संस्थेचे अध्यक्ष श्री किशोरजी भुते, हनुमान मित्र मंडळ महिला सदस्या श्रीमती कामिनी महाडिक व सौ रुचिता भाटकर, महापुरुष मित्रमंडळ सदस्या कुमारी निकिता खवरे,समता मित्रमंडळ कीर्तीनगर सदस्या कु. स्नेहल सावंत व सौ मैहरून्निसा साखरकर यांची विशेष साथ लाभली.
