नाताळनिमित्त कोकण रेल्वे मार्गावर १६ डिसेंबरपासून ३ विशेष गाड्या धावणार

रत्नागिरी : हिवाळ्यात नाताळच्या सुट्टीनिमित्त कोकणात आणि दक्षिणेकडे जाणाऱ्या प्रवाशांची वाढती गर्दी लक्षात घेऊन कोकण रेल्वे मार्गावर विशेष गाड्या सोडण्यात येणार आहेत. यामध्ये मुंबई सीएसएमटी-करमाळी-मुंबई सीएसएमटी स्पेशल (दररोज), एलटीटी – तिरुवनंतपुरम उत्तर – एलटीटी विशेष (साप्ताहिक) आणि ट्रेन एलटीटी – मंगळुरू जं. – एलटीटी विशेष (साप्ताहिक) या गाड्यांचा समावेश आहे.

याबाबत कोकण रेल्वेकडून मिळालेल्या माहितीनुसार, (गाडी क्र. ०११५१) मुंबई सीएसएमटी – करमाळी स्पेशल (दैनिक) ही १९ डिसेंबरपासून ५ जानेवारीपर्यंत दररोज मुंबई सीएसएमटीहून रात्री १२.२० वाजता सुटेल. ही गाडी त्याच दिवशी दुपारी १:३० वाजता करमाळीला पोहोचेल. परतीच्या प्रवासात (गाडी क्र. ०११५२) करमाळी – मुंबई सीएसएमटी स्पेशल (दैनिक) १९ डिसेंबर ते ५ जानेवारीपर्यंत दररोज दुपारी २.१५ वाजता करमाळीहून सुटेल. ही ट्रेन दुसऱ्या दिवशी ३.४५ वाजता मुंबई सीएसएमटीला पोहोचेल.
या गाडीची रचना २ टायर एसी २ कोच, ३ टायर एसी ८ कोच, स्लीपर ६ कोच, जनरल ४ कोच, एसएलआर २ अशी असेल. ही गाडी दादर, ठाणे, पनवेल, पेण, रोहा, खेड, चिपळूण, संगमेश्वर रोड, रत्नागिरी, कणकवली, कुडाळ आणि थिविम या स्थानकांवर थांबेल.
(गाडी क्र. ०११७१) लोकमान्य टिळक (टी) – तिरुवनंतपुरम उत्तर विशेष ही गाडी १८ डिसेंबर ते १० जानेवारी दरम्यान दर गुरूवारी म्हणजेच १८ डिसेंबर, २५ डिसेंबर, १ जानेवारी २०२६ आणि ८ जानेवारी या कालावधीत एलटीटी येथून दुपारी ४ वाजता सुटेल. ही ट्रेन दुसऱ्या दिवशी दुपारी १.३० वाजता तिरुवनंतपुरम उत्तर येथे पोहोचेल.
परतीच्या प्रवासात (गाडी क्र. ०११७२) तिरुवनंतपुरम उत्तर – एलटीटी विशेष (साप्ताहिक) दर शनिवारी म्हणजेच २० डिसेंबर, २७ डिसेंबर, ३ जानेवारी २०२६ आणि १० जानेवारी दरम्यान तिरुवनंतपुरम (उत्तर) येथून दुपारी ४.२० वाजता सुटेल. ही गाडी तिसऱ्या दिवशी १. वाजता लोकमान्य टिळक (टी) येथे पोहोचेल.
ही गाडी ठाणे, पनवेल, पेण, रोहा, खेड, चिपळूण, संगमेश्वर रोड, रत्नागिरी, कणकवली, सिंधुदुर्ग, कुडाळ, सावंतवाडी रोड, थिवीम, करमाळी, मडगाव जं., कारवार, गोकर्ण रोड, कुमठा, मुर्डेश्वर, भटकळ, मुकुंडुराबी रोड, कुंडपुरा, उडुपी, सुरथकल, मंगळुरु जं., कासरगोड, कन्नूर, कालिकत, तिरूर, शोरानूर जं., त्रिसूर, अलुवा, एर्नाकुलम टाउन, कोट्टायम, चांगनासेरी, तिरुवल्ला, चेंगन्नूर, मावेलीकारा, कायनकुलम, करुणागपल्ली, सस्थानकोट्टा, कोल आणि वर्कला शिवगिरी स्टेशन्स या थांब्यांवर थांबेल.
(गाडी क्र. ०११८५) एलटीटी – मंगळुरू जंक्शन स्पेशल (साप्ताहिक) ही दर मंगळवारी म्हणजेच १६, २३, ३० डिसेंबर आणि ६ जानेवारी २०२६ या दिवशी लोकमान्य टिळक (टी) येथून दुपारी ४ वाजता सुटेल. ही गाडी दुसऱ्या दिवशी सकाळी १०.०५ वाजता मंगळुरू जंक्शनला पोहोचेल. परतीच्या प्रवासात (गाडी क्र. ०११८६) मंगळुरू जंक्शन – लोकमान्य टिळक (टी) स्पेशल (साप्ताहिक) दर बुधवारी म्हणजेच १७, २४, ३१ डिसेंबर आणि ७ जानेवारी रोजी दुपारी १ वाजता मंगळुरू जंक्शन येथून सुटेल. ही गाडी दुसऱ्या दिवशी सकाळी ६:५० वाजता एलटीटी येथे पोहोचेल.
प्रवासादरम्यान ही गाडी ठाणे, पनवेल, पेण, रोहा, खेड, चिपळूण, संगमेश्वर रोड, रत्नागिरी, कणकवली, सिंधुदुर्ग, कुडाळ, सावंतवाडी रोड, थिवीम, करमाळी, मडगाव जं., कारवार, गोकर्ण रोड, कुमठा, मुर्डेश्वर, भटकळ, मुकुंदुराबी रोड, मुकुंदुराबी रोड (कुंडुरा), सुरथकल या स्थानकांवर थांबेल.
गाडी क्रमांक ०११५२ चे आरक्षण आजपासून (८ डिसेंबपासून) सर्व पॅसेंजर रिझर्व्हेशन सिस्टम्स (पीआरएस), इंटरनेट आणि आयआरसीटीसी वेबसाइटवर सुरू होणार असून, प्रवाशांनी या सेवेचा लाभ घ्यावा, असे आवाहन कोकण रेल्वेने केले आहे.