राजापूर तालुक्यातील ओणी-अणुस्कुरा मार्गावरील रायपाटणच्या खिंडीत अचानक म्हशी आडव्या आल्याने दुचाकीचा अपघात,दोघेजण गंभीर जखमी
राजापूर तालुक्यातील ओणी-अणुस्कुरा मार्गावरील रायपाटणच्या खिंडीत रात्रीच्या अंधारात अचानक म्हशी आडव्या आल्याने दुचाकीचा अपघात होऊन दोघेजण गंभीर जखमी झाल्याची घटना गुरुवारी रात्री ९.३० च्या सुमारास घडली. रामदास गांगण व सुहास गांगण (दोघे रा. रायपाटण) अशी जखमींची नावे असून या अपघातात दोघांच्याही हाताची हाडे फ्रैक्चर झाली असून त्यांच्यावर सिंधुदुर्ग-पडवे येथील दवाखान्यात उपचार – सुरू आहेत. या अपघातामुळे मोकाट गुरांचा गंभीर प्रश्न पुन्हा एकदा ऐरणीवर आला आहे.
गुरुवारी रात्री ९.३० वाजण्याच्या दरम्यान रामदास गांगण आणि – सुहास गांगण हे दोघे दुचाकीवरून ओणी-अणुस्कुरा मार्गाने जात होते. रायपाटणच्या खिंडीत रस्त्यावर अचानक अनेक म्हशी आडव्या आल्याने त्यांना काही कळायच्या आतच दुचाकीवर नियंत्रण मिळवता रस्त्यावर आले नाही आणि त्यांचा अपघात झाला. या अपघातात दोघांनाही गंभीर दुखापत झाली असून त्यांच्या हाताची हाडे फॅक्चर झाली. अपघाताची माहिती मिळताच स्थानिक युवकांनी तात्काळ धाव घेतलीजखमींना तत्काळ उपचारासाठी सिंधुदुर्ग येथील पडवे हॉस्पिटलमध्ये दाखल केले.
