जानवळे येथे ७ ऑक्टोबर रोजी वर्षावास प्रवचन मालिका सांगता समारंभाचे आयोजन
बौद्धजन सहकारी संघ तालुका गुहागर या धम्म संघटनेच्या व अंतर्गत धार्मिक संस्कार समिती यांच्या संयुक्त विद्यमाने गुहागर तालुक्यातील जानवळे येथील डॉ. बाबासाहेब आंबेडकर स्मारक सभागृह जानवळे येथे उद्या (७ ऑक्टोबर) सकाळी १० वाजता वर्षावासातील प्रवचन मालिका सांगता समारोप आयोजित करण्यात आलेला असून या कार्यक्रमाला गुहागर तालुक्यातील बौद्ध बंधू – भगिनी, उपासक, उपासिका तसेच तालुक्यातील, विभागातील पदाधिकारी आणि कार्यकर्ते यांनी बहुसंख्येने वेळेत उपस्थित राहावे, असे जाहीर आवाहन करण्यात आले आहे.
बौद्धजन सहकारी संघ तालुका गुहागर या धम्म संघटनेचे अध्यक्ष सुरेश (दादा) सावंत, कार्याध्यक्ष एम. डी. मोहिते, सचिव सुनील गमरे, अंतर्गत धार्मिक संस्कार समिती अध्यक्ष शशिकांत जाधव, सचिव सुभाष जाधव यांनी प्रसिद्धी पत्रकाद्वारे केले आहे.
बुद्ध धम्मात वर्षावासाला फार मोठे महत्त्व असून अडीच हजार वर्षांपासून तथागत भगवान गौतम बुद्ध यांच्यापासून बुद्ध धम्माचा प्रचार आणि प्रसार व्हावा यासाठी बौद्ध भन्ते, बौद्ध भिक्कू यांना पावसाळी तीन-चार महिने बुद्ध धम्माचा प्रचार आणि प्रचार करताना फार मोठे अडथळे यायचे. व त्यामुळे वर्षा म्हणजे पाऊस आणि वास म्हणजे निवास म्हणजेच वर्षावास एका ठिकाणी राहून बौद्ध, भिकू, बौद्ध भंते हे पावसाळ्यात तीन – चार महिने आपले आलेले अनुभव कथन करत असत आणि एकत्र राहत असत. एकत्र वास्तव्य करत असत. त्यालाच वर्षावास असे म्हणतात. या वर्षावासाचा सांगता समारोप गुहागर तालुक्यातील जानवळे येथील डॉ. बाबासाहेब आंबेडकर स्मारक सभागृहात वर्षावास प्रवचन मालिका आषाढ पौर्णिमा ते अश्विन पौर्णिमा चालू होती. या प्रवचन मालिकेचा सांगता समारोप ७ ऑक्टोबर रोजी आयोजित करण्यात आला आहे.
७ ऑक्टोबर रोजी सकाळी १० वाजता धम्म पूजा पाठ होईल. त्यानंतर सकाळी १०.३० वाजता बौद्धजन सहकारी संघ तालुका गुहागर या धम्म संघटनेचे अंतर्गत हिशोब तपासणीस अविनाश शिवराम कदम यांचे “बुद्ध धम्म” या विषयावर धम्म प्रवचन होणार आहे. त्यानंतर सकाळी ११.३० वाजता मान्यवरांचा स्वागत समारंभ होईल. दुपारी १२ वाजता मान्यवरांचे मनोगत व चर्चासत्राच्या आयोजन करण्यात आले आहे. दुपारी २ वाजता उपस्थित सर्वांना भोजनदान ठेवण्यात आले आहे.
गुहागर तालुक्यातील बौद्ध बंधू-भगिनी उपासक उपासिका तसेच धम्म संघटनेचे पदाधिकारी, कार्यकर्ते यांनी या संपूर्ण कार्यक्रमाला वेळेत बहुसंख्येने उपस्थित राहावे, असे आवाहन बौद्धजन सहकारी संघ तालुका गुहागर संघटनेच्या वतीने करण्यात आले आहे.
