सिंधुदुर्गातील देवगड तालुक्यात भीषण अपघात,रिक्षाचा ताबा सुटून एसटीवर धडकली, 4 ठार

सिंधुदुर्गातील देवगड तालुक्यात भीषण अपघात झाल्याची माहिती समोर येत आहे. देवगडमधील नारिंगरे येथे बस आणि रिक्षा यांच्यात झालेल्या भीषण अपघातात चौघांचा जागीच मृत्यू झाला आहे.तर एक प्रवासी बचावला असून त्याला रुग्णालयात दाखल करण्यात आले आहे. विजयदुर्ग मालवण एसटी बस नारिंगरे येथे आली असता समोरून येणाऱ्या रिक्षा चालकाचा ताबा सुटून त्याची धडक एसटी बसला बसली. अपघात एवढा भीषण होता की या अपघातात रिक्षाचा चकाचूर झाला आहे.
नारिंगरे इथे दुपारच्या सुमारास ही घटना घडली. देवगड तालुक्यातील नारिंगरे मार्गावर भरधाव ऑटो रिक्षाने एसटी महामंडळाच्या बसला समोरून धडक दिली. विजयदुर्ग मालवण एसटी बस नारिंगरे इथं आली असता समोरून येणाऱ्या रिक्षा चालकाचा ताबा सुटला. त्यानंतर रिक्षा हा थेट एसटी बसवर धडकला.
या अपघातात घटनास्थळावर ४ जणांचा मृत्यू झाला आहे. तर एक जण बचावला आहे.