दादर-पुणे बसमधले 28 जण थोडक्यात वाचले! चालक ठरला हिरो

शनिवारी (8 नोव्हेंबर 2025) सायंकाळच्या सुमारास माटुंगा पुलावर शिवशाहीने प्रवास करणाऱ्या 28 जणांचा जीव थोडक्यात वाचला. चालकाने दाखवलेल्या प्रसंगावधानामुळे या प्रवाशांचा जीव वाचला.बस पुण्याच्या दिशेने जात होती. यावेळी बसच्या एसी डक्टमध्ये शॉर्टसर्किट होऊन त्यातून धूर येऊ लागला. बसमध्ये धुराचे साम्राज्य पसरले. त्यामुळे प्रवाशांना श्वास घेण्यास त्रास होऊ लागला. चालकाने सतर्कता दाखवून, आपत्कालीन दरवाज्याची काच फोडली आणि प्रवाशांना बाहेर काढले. बस चालक आणि बसमधील 28 प्रवासी सुखरूप असून कोणतीही जीवित अथवा वित्तहानी झाली नसल्याचे एसटी महामंडळाद्वारे सांगण्यात आले.