राज्याला पाऊस झोडपणार, पुढील काही तास धोक्याचे

राज्यात गेल्या काही दिवसांपासून हलका ते मध्यम स्वरुपाचा पाऊस कोसळताना दिसत आहे. अशीच परिस्थिती कायम राहणार असल्याची शक्यता आहे. काही ठिकाणी पावसाचा यलो तर काही ठिकाणी पावसाचा ऑरेंज अलर्टचा अंदाज वर्तविण्यात आलेला आहे.

तसेच काही ठिकाणी हलका ते मध्यम स्वरुपाच्या पावसाची चिन्हे आहेत. अशातच जाणून घेऊयात 27 जुलै 2026 रोजी राज्यातील एकूण हवामानाचा अंदाज.
कोकण

कोकण विभागातील पालघरमध्ये मध्यम स्वरुपाच्या पावसाची शक्यता आहे. ठाणे, सिंधुदुर्ग आणि मुंबईमध्ये पावसाचा यलो अलर्टचा अंदाज आहे. रायगड आणि रत्नागिरीत पावसाचा ऑरेंज अलर्टची शक्यता जारी केलेली आहे. कोकणात 27 जुलै रोजी पावसाची शक्यता असणार आहे.

उत्तर महाराष्ट्र

उत्तर महाराष्ट्रातील धुळे, नंदुरबार जिल्ह्यांत विजांच्या कडकडाटासह पावसाची शक्यता आहे. जळगाव जिल्ह्यात विजांच्या कडकडाटासह हलका ते मध्यम स्वरुपाचा पाऊस आणि यलो अलर्टचा अंदाज आहे. नाशिक घाटमाथा परिसरात हलका ते मध्यम पावसाची शक्यता आहे. नाशिक आणि अहिल्यानगरमध्ये विजांच्या कडकडाटासह हलका ते मध्यम पावसाचा अंदाज आहे.