गिरीश महाजन यांना सुनावणाऱ्या महिलेविरोधात गुन्हा दाखल नाही, पोलिसांचे स्पष्टीकरण
मुंबईतील वरळी भागात असलेल्या जांबोरी मैदानाजवळ 21 एप्रिल रोजी आयोजित करण्यात आलेल्या एका मोर्चादरम्यान, वाहतूक कोंडीवरून टीका करत आंदोलकांबद्दल नाराजी व्यक्त करणाऱ्या एका महिलेसंदर्भात निर्माण झालेल्या वादाबाबत पोलिसांनी स्पष्टीकरण दिले आहे.संबंधित महिलेविरुद्ध कोणताही गुन्हा (FIR) दाखल करण्यात आलेला नाही, असे पोलिसांनी म्हटले आहे.
महिलेविरुद्ध गुन्हा दाखल करण्यात आल्याच्या ज्या बातम्या समाजमाध्यमांवर आणि काही विशिष्ट वर्तुळात पसरत आहेत, त्या पूर्णपणे खोट्या आहेत, अशी माहिती पोलीस उपायुक्त (DCP) कृष्णकांत उपाध्याय यांनी एका निवेदनाद्वारे दिली. सदर महिलेविरुद्ध कोणत्याही प्रकारची फौजदारी कारवाई सुरू करण्यात आलेली नाही, असे त्यांनी ठामपणे सांगितले.
