वशिष्ठी नदी इशारा पातळीवर

वशिष्ठी नदीची पाणीपातळी ५.२८ मीटर वर पोहोचली असून ती इशारा पातळीवर आहे. कोळकेवाडी धरणाची पाणीपातळी १३३.७० मीटर असून गेल्या २४ तासांत (काल सकाळी ८ ते आज सकाळी ८) परिसरात तब्बल २२० मिमी पाऊस नोंदला गेला आहे. याशिवाय आज सकाळी ८ ते ९ या एका तासात २८.५० मिमी पाऊस झाला आहे. धरणावरील सर्व मशीन सध्या बंद ठेवण्यात आलेली आहेत.

दरम्यान, सकाळी ९.५० वाजता भरती असल्याने पुढील एक तास अत्यंत महत्त्वाचा असल्याचा इशारा प्रशासनाकडून देण्यात आला आहे. कोणतीही आपत्कालीन परिस्थिती उद्भवल्यास तात्काळ मदत करता यावी यासाठी शहरातील ११ ठिकाणी नगर पालिका, महसूल, पोलीस व NDRF पथके तैनात करण्यात आली आहेत, तसेच ५ ठिकाणी बोटी उपलब्ध करून देण्यात आल्या आहेत.

नागरिकांनी अत्यावश्यक कामाशिवाय घराबाहेर न पडण्याचे तसेच कोणत्याही अफवांवर विश्वास न ठेवण्याचे आवाहन प्रशासनाने केले आहे.

जगबुडी नदीची पातळी मात्र ७ मीटर वरून ६.८० मीटरवर आल्याने दिलासा मिळाला आहे. तसेच सध्या पावसाचा जोरही तुलनेने कमी झाला आहे