मद्यधुंद कारचालकाने कोल्हापूरच्या महाद्वार रोडवरच्या वन-वेतून आत येत अनेक महिलांसह, भाविकांना धडक दिली, सुदैवाने अनर्थ टळला

कोल्हापूर शहरातील अतिशय वर्दळीच्या महाद्वार रोडवर अपघाताची मोठी घटना घडली आहे. दैव बलवत्तर म्हणून यात कुठलीही जीवित हानी झाली नसली तरी मोठा अनर्थ टळला आहे.अपघातात एक मद्यधुंद कारचालक कोल्हापूरच्या महाद्वार रोडवरच्या वन-वेतून आत गाडी घुसवून मद्यधुंद कारचालकाने अनेक महिलांसह, भाविकांना धडक दिली आहे. तर काही दुचाकींना सुद्धा जोरदार धडक दिली आहे. दरम्यान, शहर वाहतूक शाखेचे पोलीस आणि नागरिकांनी पाठलाग करून या कार चालकाला रोखल्याने मोठा अनर्थ टळला आहे. अशातच यावेळी संतप्त जमावाने मद्यधुंद कारचालका कपडे फाटेपर्यंत धुलाई केली आहे.मद्यधुंद कारचालक प्रसाद दत्तात्रय सुतार आणि त्याच्या साथीदाराला चांगलाच चोप दिला आहे. यात त्याचे कपडे फाटेपर्यंत धुलाई केली आहे. वेळीच या कारचालकाला रोखलं नसतं तर पुढे मोठा अनर्थ होऊन यात 10 माणसं मेली असती असेही म्हटले आहे. दरम्यान या वेळी संतप्त जमावाने कार फोडण्याचा देखील प्रयत्न केला. मात्र पोलिसांनी वेळीच हस्तक्षेप करत त्यांना अडवले आहे