कमल हासन यांच्या ‘ठग लाइफ’नं पहिल्याच दिवशी कमावले तब्बल इतके कोटी !

मुंबई : कमल हासन यांचा बहुप्रतिक्षित असा ‘ठग लाइफ’ सिनेमा चित्रपटगृहांमध्ये प्रदर्शित झाला. प्रदर्शनाच्या पहिल्या दिवशी या चित्रपटानं बॉक्स ऑफिसवर चांगली कमाई केली आहे. कन्नड भाषेवरून झालेल्या विवादामुळं हा चित्रपटाच्या कमाईवर परिणाम होऊ शकतो, असं म्हटलं जात होतं. कर्नाटकात प्रदर्शित झाला नाही. पण कमाईवर फार परिणाम झाल्याचं दिसून येत नाहीये. चित्रपटानं पहिल्या दिवशी चांगली कमाई केली आहे.

‘ठग लाइफ’ या चित्रपटाचे दिग्दर्शन मणिरत्नम यांनी केलं आहे. या चित्रपटात कमल हासन यांच्यासोबत तृषा कृष्णन, ऐश्वर्या लक्ष्मी, सान्या मल्होत्रा आणि जोजू जॉर्ज यांच्या भूमिका आहेत. या चित्रपटाचं बजेट २०० कोटी रुपये इतकं असल्याचं म्हटलं जात आहे.
Sacnilk रिपोर्टनुसार, ‘ठग लाइफ’नं पहिल्या दिवशी ४:०५ वाजेपर्यंत ७.१६ कोटी रुपयांचं कलेक्शन केलं आहे. हे आकडे अधिकृत नाहीत, यात बदल होऊ शकतो.
कमल हासन यांच्या ‘ठग लाइफ’ चित्रपटाची टक्कर अक्षय कुमारच्या ‘हाउसफुल ५’ सोबत होणार आहे. ‘हाउसफुल ५’ हा चित्रपट उद्या प्रदर्शित होणार आहे.

‘ठग लाइफ’ चित्रपटाला कन्नडमध्ये प्रदर्शित न केल्यामुळं १२-१५ कोटी रुपयांचं नुकसान होण्याची शक्यता आहे. चित्रपट हिट होण्यासाठी सुमारे ४०० कोटी रुपयांची कमाई करणं आवश्यक आहे.

पहिल्या दिवशी सिनेमा पाहिल्यानंतर प्रेक्षकांनी संमिश्र अशा प्रतिक्रिया दिल्या आहेत. ‘ठग लाइफ’ हा एक पॅन इंडिया गैंगस्टर ड्रामा आहे. काही तज्ञांच्या मते, या चित्रपटानं पहिल्या दिवशी ३५ कोटी रुपयांपेक्षा जास्त कमाई करणं अपेक्षीत होतं. मात्र, कर्नाटक मध्ये चित्रपट प्रदर्शित न झाल्यामुळं चित्रपटास नुकसान झालं आहे. तर’हाउसफुल ५’ देखील पहिल्या दिवशी २२-२५ कोटी रुपयांची ओपनिंग घेऊ शकतो, असंही म्हटलं जात आहे.

तर कर्नाटकात सिनेमा प्रदर्शित होऊ शकतो

तर ‘कन्नड भाषेचा उगम तमिळ भाषेतून झाला,’ असं विधान कमल हासन यांनी केलं होतं.हासन यांच्या या विधानावर कन्नडवासीयांमध्ये संताप आहे आणि हे प्रकरण कर्नाटक उच्च न्यायालयापर्यंत पोहोचले आहे. माफी मागणार नाही तो पोर्यंत सिनेमा कर्नाटकात प्रदर्शित होऊ देणार नसल्याचं कन्नडवासीयांनी म्हटलं. तर यावर कोर्टानं देखील एका माफीनं कर्नाटकात सिनेमा प्रदर्शनाचा मार्ग मोकळा होऊ शकतो…असं म्हटलं.