त्या कुटुंबातील सहा महिन्यांच्या बाळालाही काेराेना ,रत्नागिरीत आणखी काेराेना रुग्ण

रत्नागिरी जवळील साखरतर भागात एका कुटुंबातील महिला कोरोना ग्रस्त सापडली होती.त्यानंतर घरातील सर्वांची  चाचणी घेण्यात आली होती. त्यामध्ये सदर महिलेच्या जावेचाही रिपोर्ट काेराेना पॉझिटिव्ह आला होता.आता धक्कादायक म्हणजे याच घरातील एका सहा महिन्यांच्या छोट्या बाळालाही काेराेनाची लागण झाली आहे.या बाळाचा अहवाल पॉझिटिव्ह आला आहे.रत्नागिरीतून मिरज येथे पाठवण्यात आलेले काही काेराेनाचे अहवाल येणे बाकी आहेत.त्यातील ३५ अहवाल काल रात्राै उशिरा आले. त्यापैकी या छोट्या बाळाचा अहवाल पॉझिटिव्ह आला असल्याची माहिती जिल्हाधिकारी लक्ष्मीनारायण  मिश्रा यांनी दिली.यातील  बाळाची प्रकृती स्थिर असून शासकीय रुग्णालयातील बालरोगतज्ञ त्याची काळजी घेत आहेत.तर अन्य जणांचे अहवाल निगेटिव्ह आले आहेत.यामुळे आता रत्नागिरी जिल्ह्यातील कोरोनाग्रस्त रुग्णांची संख्या सहावर पोहोचली असून यातील एकाला डिस्चार्ज देण्यात आला असून एकाचा मृत्यू झाला होता.
www.konkantoday.com