गीझर सुरू करताना ‘ही’ चूक अजिबात करू नका! नाहीतर होऊ शकतो मोठा ब्लास्ट; निष्काळजीपणा ठरू शकतो जीवघेणा!

Geyser Safety Tips : भारतातील अनेक शहरांमध्ये सकाळ आणि रात्रीच्या वेळी थंडी जाणवू लागली आहे. अनेक घरांमध्ये आता एसी तर दूरच, पंखाही सुरू केला जात नाही. सकाळी थंडी असल्यामुळे ऑफिसला लवकर जाणारे किंवा पूजा करणारे अनेकजण गरम पाण्याने अंघोळ करणे पसंत करतात. यासाठी गीझरचा सर्वाधिक वापर केला जातो. मात्र, गीझर वापरण्यापूर्वी काही गोष्टींकडे लक्ष दिल्यास ब्लास्ट होण्याचा धोका कमी होऊ शकतो.

भारतातील अनेक शहरांमध्ये सकाळ आणि रात्रीच्या वेळी थंडी जाणवू लागली आहे. अनेक घरांमध्ये आता एसी तर दूरच, पंखाही सुरू केला जात नाही. सकाळी थंडी असल्यामुळे ऑफिसला लवकर जाणारे किंवा पूजा करणारे अनेकजण गरम पाण्याने अंघोळ करणे पसंत करतात. यासाठी गीझरचा सर्वाधिक वापर केला जातो. मात्र, गीझर वापरण्यापूर्वी काही गोष्टींकडे लक्ष दिल्यास ब्लास्ट होण्याचा धोका कमी होऊ शकतो.

अशा घटना वारंवार समोर येतात

सोशल मीडियावर अनेकदा अशा बातम्या व्हायरल होतात की, अंघोळ करताना अचानक गीझरचा स्फोट झाला आणि संबंधित व्यक्ती गंभीर जखमी झाली किंवा तिचा मृत्यू झाला. अशा घटना धक्कादायक असतात. मात्र, बराच काळ बंद असलेला गीझर सुरू करण्यापूर्वी काही आवश्यक तपासणी केली, तर अशा प्रकारचा धोका कमी करता येऊ शकतो.

स्विच, वायर आणि हीटिंग एलिमेंट तपासा

जर तुम्ही बराच काळ गीझर वापरला नसेल, तर तो थेट सुरू करून अंघोळ करण्याची चूक करू नका. सर्वप्रथम गीझरचा स्विच, वायरिंग आणि हीटिंग एलिमेंट नीट तपासा. यात काही बिघाड किंवा दोष दिसल्यास त्वरित दुरुस्ती करून घ्या. कारण छोटासा दोषही ब्लास्ट किंवा शॉर्ट सर्किटचे कारण ठरू शकतो.

सेफ्टी व्हॉल्व्ह, गळती आणि थर्मोस्टॅट तपासा

अनेक महिन्यांनंतर गीझर सुरू करण्यापूर्वी त्यातील सेफ्टी व्हॉल्व्ह, पाण्याची गळती आणि थर्मोस्टॅटची तपासणी करा. यासाठी तज्ज्ञ व्यक्तीला बोलावणे अधिक योग्य ठरेल. त्यांना गीझरची स्थिती नीट तपासता येते आणि दुरुस्तीची गरज आहे की नाही, हेही समजू शकते. तसेच गीझर किंवा त्याच्या पाइपमधून पाणी गळत असल्यास ते त्वरित दुरुस्त करून घ्या.

आधी थोडा वेळ चालू करून पाहा

सर्व तपासणी पूर्ण झाल्यानंतर अंघोळीपूर्वी गीझरचा एकदा सेफ्टी टेस्ट करा. गीझर सुरू असताना त्यातून कोणताही विचित्र आवाज येत नाही ना, तसेच गीझर किंवा पाण्यात करंट येत नाही ना, याची खात्री करा. काही अडचण दिसल्यास त्वरित दुरुस्ती करून घ्या किंवा गरज असल्यास नवीन गीझर घ्या.

गीझरची सर्व्हिस करून घ्या

अनेकांना माहित नसते की, एसीप्रमाणे गीझरलाही नियमित सर्व्हिसची गरज असते. जसे हिवाळा सुरू होण्यापूर्वी एसीची सर्व्हिस केली जाते, त्याचप्रमाणे गीझरचीही सर्व्हिस करून घेतल्यास तो सुरक्षितपणे आणि चांगल्या पद्धतीने वापरता येतो.