सर्व रत्नागिरीकरांना आवाहन!

स्वातंत्र्यदिनाच्या निमित्ताने लायन्स क्लब ऑफ रत्नागिरी आणि रत्नागिरी नगरपरिषदेच्या संयुक्त विद्यमाने शनिवार, दिनांक १५ ऑगस्ट २०२६ रोजी सकाळी १०.०० वाजता भव्य “तिरंगा बाईक रॅली” आयोजित करण्यात आली आहे.

🇮🇳 रॅलीचा मार्ग:
साळवी स्टॉप → जयस्तंभ → साळवी स्टॉप

या रॅलीचा मुख्य उद्देश “प्लास्टिकमुक्त रत्नागिरी” या जनजागृती अभियानाला चालना देणे हा आहे.

या निमित्ताने सर्व रत्नागिरीकरांना आवाहन करण्यात येते की, “प्लास्टिकमुक्त अभियान” या विषयावर जनजागृती करणारे बॅनर, फलक किंवा संदेश तयार करून रॅलीमध्ये सहभागी होताना सोबत आणावेत.

ही रॅली केवळ तिरंग्याचा उत्सव नसून, स्वच्छ, सुंदर आणि प्लास्टिकमुक्त रत्नागिरीचा संकल्प करण्यासाठीची एक सामूहिक चळवळ आहे.

🚩 चला, तिरंग्याच्या सन्मानासोबत रत्नागिरीला प्लास्टिकमुक्त करण्याचा संकल्प करूया!

रॅलीदरम्यान वाहतुकीचे सर्व नियम व शिस्त पाळण्यात येणार असून, नागरिकांनी प्रशासनाला सहकार्य करावे, असे आवाहन करण्यात आले आहे.

या देशभक्तीपर आणि सामाजिक जनजागृतीच्या उपक्रमात जास्तीत जास्त रत्नागिरीकरांनी उत्स्फूर्तपणे सहभागी व्हावे, असे आवाहन लायन्स क्लब ऑफ रत्नागिरीचे अध्यक्ष लायन सुमित ओसवाल व त्यांची संपूर्ण टीम तसेच रत्नागिरी नगरपरिषदेचे मुख्याधिकारी श्री वैभव गारवे साहेब यांच्या वतीने करण्यात आले आहे.

वंदे मातरम्! जय हिंद! प्लास्टिकमुक्त रत्नागिरीचा संकल्प!