कर्देजवळ एसटी बस अपघातग्रस्त; प्रवासी नसल्याने मोठी दुर्घटना टळली
गुहागर तालुक्यातील कर्दे गावाजवळ मुंबई–दोडवली मार्गावरील एसटी बसचा अपघात झाला. बसवरील चालकाचे नियंत्रण सुटल्याने हा अपघात झाल्याची प्राथमिक माहिती समोर आली आहे.
सुदैवाने अपघातावेळी बसमध्ये एकही प्रवासी नसल्यामुळे मोठी जीवितहानी टळली. बसमध्ये फक्त चालक आणि वाहक हे दोघेच उपस्थित होते.
या अपघातात चालक आणि वाहक किरकोळ जखमी झाले असून त्यांना तातडीने जवळच्या रुग्णालयात नेऊन प्रथमोपचार करण्यात आले. दोघांचीही प्रकृती स्थिर असल्याचे सांगण्यात आले आहे.
घटनेची माहिती मिळताच स्थानिक नागरिकांनी घटनास्थळी धाव घेत मदतकार्य केले. अपघाताचे नेमके कारण शोधण्यासाठी संबंधित यंत्रणेकडून पुढील तपास सुरू आहे.
