रत्नागिरीच्या शासकीय वैद्यकीय महाविद्यालयात १९ वे देहदान
रत्नागिरी येथील शासकीय वैद्यकीय महाविद्यालयात १९ वे मरणोत्तर देहदान संपन्न झाले. प्रदीप तुकाराम कोलते (वय ७९ वर्षे, रा. तळवाडी, साखरपा, ता. संगमेश्वर) यांचे २७ एप्रिल रोजी दुपारी अल्पशा आजाराने निधन झाले. वैद्यकीय शिक्षण घेणाऱ्या विद्यार्थ्यांना अभ्यास व संशोधनासाठी देहाचा उपयोग व्हावा, या उदात्त हेतूने त्यांच्या स्वतःच्या व कुटुंबियांच्या इच्छेनुसार त्यांचे मरणोत्तर देहदान शासकीय वैद्यकीय महाविद्यालयात करण्यात आले.
कै. प्रदीप तुकाराम कोलते यांनी महात्मा गांधी विद्यालय साखरपा तसेच बाबासाहेब कोलते ज्युनिअर कॉलेज साखरपा येथे कमिटी सदस्य म्हणून कार्य केले होते. त्यांच्या पश्चात दोन मुली, जावई, नातवंडे व पुतणे असा मोठा परिवार आहे.
देहदानावेळी त्यांच्या दोन्ही मुली सीमा पाटणे, स्मिता लाड तसेच ओंकार कोलते, शेखर कोलते, अविनाश कोलते, कमलेश कोलते, विनय कोलते, कैलास कोलते आणि राहुल भिंगार्डे उपस्थित होते. या देहदानासाठी सागर भिंगारे यांचे सहकार्य लाभले.
हे देहदान प्रक्रिया शासकीय वैद्यकीय महाविद्यालयाचे अधिष्ठाता डॉ. जयप्रकाश रामानंद यांच्या मार्गदर्शनाखाली पार पडली. यावेळी शरीररचनाशास्त्र विभागप्रमुख डॉ. सादिकअली सय्यद, डॉ. योगिता कांबळे, समाजसेवा अधीक्षक रेशम जाधव तसेच शरीररचनाशास्त्र विभागातील पूर्वा तोडणकर, भूमी पारकर, कर्मचारी मिथिलेश मुरकर, मिहिर लोंढे, राज पेडणेकर, श्रेयस जोशी व प्रियल आडिवरेकर यांनी काम पाहिले.
देहदानामुळे वैद्यकीय शिक्षण व संशोधनाला मोठी मदत होत असून, समाजात अशा प्रकारच्या दानाची प्रेरणा निर्माण होत असल्याचे मत व्यक्त करण्यात आले.
