दुष्काळग्रस्तांच्या मदतीसाठी रत्नागिरी जिल्हा बँकेचा पुढाकार

रत्नागिरी : दुष्काळासारख्या नैसर्गिक संकटाचा सामना करणाऱ्या नागरिकांना मदतीचा हात देण्यासाठी रत्नागिरी जिल्हा मध्यवर्ती सहकारी बँकेने संवेदनशील पुढाकार घेतला आहे. बँकेच्या वतीने मुख्यमंत्री सहायता निधीसाठी ११ लाख रुपयांची मदत देण्यात आली. या मदतीचा धनादेश राज्याच्या उपमुख्यमंत्री सुनेत्रा पवार आणि वैद्यकीय शिक्षण मंत्री हसन मुश्रीफ यांच्याकडे सुपूर्द करण्यात आला.

नैसर्गिक संकटाच्या काळात अडचणीत सापडलेल्या नागरिकांना आधार देणे आणि त्यांना पुन्हा उभे राहण्यासाठी बळ देणे ही सामाजिक बांधिलकी आहे. याच भावनेतून रत्नागिरी जिल्हा मध्यवर्ती सहकारी बँकेने मुख्यमंत्री सहायता निधीसाठी योगदान दिले आहे. बँकेच्या या उपक्रमातून सहकार क्षेत्रातील सामाजिक जाणीव आणि समाजाप्रती असलेली कर्तव्यभावना अधोरेखित झाली आहे.

संकटग्रस्त नागरिकांना मदत मिळावी आणि त्यांना या कठीण परिस्थितीत दिलासा मिळावा, या उद्देशाने बँकेने हा मदतीचा हात पुढे केला. सामाजिक बांधिलकी जपत गरजूंच्या पाठीशी उभे राहण्याचा संदेशही या उपक्रमातून देण्यात आला.

यावेळी आमदार शेखर निकम, रत्नागिरी जिल्हा मध्यवर्ती सहकारी बँकेचे उपाध्यक्ष बाबाजीराव जाधव, संचालक राजेंद्र सुर्वे, संचालक अजित यशवंतराव आदी मान्यवर उपस्थित होते.
..