लांजा येथे झालेल्या अपघातात गोव्याच्या सहलीवरून मुंबई सेंट्रलला परतताना एका नवविवाहित जोडप्याचा प्रवास शोकांतिकेत बदलला पत्नीचा मृत्यू.
गोव्याच्या सहलीवरून मुंबई सेंट्रलला परतताना एका नवविवाहित जोडप्याचा प्रवास शोकांतिकेत बदलला. मुंबई-गोवा महामार्गावर झालेल्या एका भीषण अपघातात नवरी मुलगी, नवरदेवाची आई, त्याचा चुलत भाऊ आणि त्यांचा चालक अशा चोघांचा मृत्यू झाला काल सकाळी 7 च्या सुमारास, ताशी 140 किमी वेगाने धावणारी एसयूव्ही रत्नागिरी जिल्ह्यातील ल लांजा येथील शांती नगरजवळ महामार्गाच्या डाव्या बाजूच्या लेनमध्ये उभ्या असलेल्या डंपरच्या मागील भागावर जोरात आदळली. या अपघातात नवरदेवाला मानेवर गंभीर दुखापत झाली असून त्याला एका खाजगी रुग्णालयात दाखल करण्यात आले आहे.
धडक इतकी जोरदार होती की, डंपरला धडकल्यानंतर एसयूव्हीवरील नियंत्रण सुटले. ती महामार्गावरून खाली उतरली आणि दोनदा उलटली. या दरम्यान कुटुंबातील तीन सदस्य गाडीतून बाहेर फेकले गेले. अखेरीस, सुमारे 50 मीटर अंतरावर असलेल्या महामार्गाच्या दुभाजकावर (डिवायडरवर) आदळून गाडी थांबली. गाडीचा चक्काचूर इतका भीषण झाला होता की, त्या महिलेचा मुलगा आणि चालक यांना गाडीचा दरवाजा कापून बाहेर काढावे लागले. त्यानंतर त्यांना लांजा ग्रामीण रुग्णालयात नेण्यात आले, मात्र डॉक्टरांनी चालकाला मृत घोषित केले.
मृत्यू झालेल्यांची ओळख यास्मिन मोहम्मद इरफान कुरेशी (54), तिची सून फिझा अनस कुरेशी (27), नवरदेवाचा चुलत भाऊ मोहम्मद अनस इरफान कुरेशी (15) आणि चालक मुस्तफा अल्फाज काफी (24, मूळचा जामनगर, गुजरात येथील रहिवासी) अशी पटली आहे. जखमी व्यक्तीची ओळख फिझाचा पती अनस इरफान कुरेशी (31) अशी झाली आहे. कपड्यांचा व्यवसाय करणारे हे कुटुंब मुंबई सेंट्रल रेल्वे स्थानकाजवळील सिटी सेंटर मॉलच्या समोर असलेल्या दुधवाला कॉम्प्लेक्समध्ये राहतात. अपघाताच्या अवघ्या 20 दिवसांपूर्वीच अनस आणि फिझा यांचा विवाह झाला होता. अनसने आपल्या आजारी आईला आणि चुलत भावालाही गोव्याला सोबत नेले होते. सध्या अनसला वैद्यकीय उपचारांसाठी मुंबईत आणले जात आहे.दुधवाला सोसायटीचे सचिव डॉ. एस. ए. कुरेशी यांनी माध्यमांना माहिती दिली की, हे कुटुंब पूर्वी भेंडी बाजार भागात राहत होते आणि सहा महिन्यांपूर्वीच दुधवाला कॉम्प्लेक्समध्ये राहायला आले होते. अनस आणि फिझा यांचा विवाह 25 जून रोजी झाला होता. अपघाताची अत्यंत दुःखद घटना आहे. अनसचे वडील, इरफान यांचे सुमारे 16 वर्षांपूर्वी निधन झाले होते. अपघाताची बातमी समजताच कुरेशी यांची मोठी बहीण आफ्रिन आणि तिचे पती अशफाक लश्करिया यांनी इतर नातेवाईकांसह रत्नागिरीकडे धाव घेतली
