देवरूख नगरपंचायत निवडणूक;१८ जागांसाठी तब्बल ८८ अर्ज दाखल

• संगमेश्वर तालुक्यातील देवरूख नगरपंचायतीच्या निवडणुकीत तब्बल आठ वर्षांनंतर लोकशाहीची प्रक्रिया सुरू झाली असून, तीन वर्षांच्या प्रशासकीय राजवटीनंतर होणाऱ्या या निवडणुकीत उमेदवारी अर्ज दाखल करण्याची प्रक्रिया आज शेवटच्या दिवशी अत्यंत वेगवान झाली. सर्वच राजकीय पक्षांचे तसेच अपक्ष उमेदवारांचे कार्यकर्ते आणि समर्थक मोठ्या संख्येने उपस्थित राहिल्याने निवडणूक कार्यालयात गर्दी उसळली होती

नगराध्यक्ष पद व १७ प्रभागांसाठी एकूण ८८ इच्छुक उमेदवारांनी अर्ज दाखल केले असून केवळ शेवटच्या दिवशीच २४ उमेदवारांनी अर्ज सादर केले. आवश्यक कागदपत्रे, प्रतिज्ञापत्रे आणि प्रमाणपत्रांची पूर्तता करण्यासाठी उमेदवार आणि त्यांचे समर्थक निवडणूक कार्यालयात सतत धावपळ करत असल्याचे चित्र पाहायला मिळाले.

. अनेक प्रभागांत तिरंगी तसेच चौरंगी लढतीची शक्यता असून मतविभाजनही महत्त्वाची भूमिका बजावणार असल्याचे जाणवते. विविध पक्षांमध्ये उमेदवार निवडीसंदर्भात सुरू असलेल्या रणनीती बैठका जोरात सुरू आहेत.

नगराध्यक्ष पदासाठी आतापर्यंत दाखल झालेल्या अर्जांमध्ये भाजपा, शिवसेना (उद्धव ठाकरे गट), आम आदमी पार्टी तसेच अपक्ष उमेदवारांचा समावेश आहे.