मुख्यमंत्री देवेंद्र फडणवीस यांच्या वाढदिवसानिमित्त कोळंबे येथे विद्यार्थ्यांना वह्यांचे वाटप
महाराष्ट्राचे मा. मुख्यमंत्री देवेंद्रजी फडणवीस यांच्या वाढदिवसानिमित्त भारतीय जनता पार्टीचे महाराष्ट्र प्रदेशाध्यक्ष रविंद्रजी चव्हाण यांच्या माध्यमातून श्रीमती क. पां. मुळ्ये हायस्कूल व ज्युनिअर कॉलेज कोळंबे (ता. संगमेश्वर) येथे विद्यार्थ्यांना वह्यांचे वाटप करण्यात आले.
या कार्यक्रमास भाजपा महिला मोर्चा रत्नागिरी दक्षिण जिल्हाध्यक्षा सौ. वर्षा ताई ढेकणे भाजपा रत्नागिरी शहराध्यक्ष परशुराम (दादा) ढेकणे रत्नागिरी मध्य मंडळाचे तालुका सरचिटणीस राजेश आंबेकर महिला मोर्चा रत्नागिरी दक्षिण जिल्हा सरचिटणीस सौ. नुपुरा मुळ्ये लोवले बूथ अध्यक्ष मंगेश साळवी भाजपाचे ज्येष्ठ कार्यकर्ते विनय मुरकर तसेच शाळेचे मुख्याध्यापक राजेंद्र खांबे यांची प्रमुख उपस्थिती होती.
यावेळी शिक्षकांमध्ये मुळ्ये मॅडम करंडे सर फराकटे मॅडम तोदलबाग मॅडम रहाटे सर मोहिते सर सरमुकादम मॅडम आणि कळंबटे मॅडम उपस्थित होते.
कार्यक्रमात विद्यार्थ्यांना मार्गदर्शन करताना सौ. वर्षा ताई ढेकणे यांनी विद्यार्थ्यांना मन लावून शिक्षण घेण्याचे आवाहन केले. खूप शिका मोठे व्हा आणि आपल्या देशाचे गावाचे शाळेचे शिक्षकांचे तसेच आई-वडिलांचे नाव उज्ज्वल करा असा प्रेरणादायी संदेश त्यांनी विद्यार्थ्यांना दिला.
यावेळी सौ. नुपुरा मुळ्ये यांनी माजी पंतप्रधान अटल बिहारी वाजपेयी यांच्या सर्व शिक्षा अभियानाची आठवण करून देत त्यांच्या दूरदृष्टीमुळे ६ ते १४ वर्षे वयोगटातील मुलांसाठी मोफत व सक्तीचे प्राथमिक शिक्षण उपलब्ध झाले, असे सांगितले. त्यांनी विद्यार्थ्यांना शिक्षणाचे महत्त्व पटवून देत या योजनेमुळे लाखो विद्यार्थ्यांच्या आयुष्यात झालेल्या सकारात्मक बदलांवर प्रकाश टाकला.
कार्यक्रमाच्या शेवटी उपस्थित मान्यवरांच्या हस्ते विद्यार्थ्यांना वह्यांचे वाटप करण्यात आले. विद्यार्थ्यांनी आणि शिक्षकांनी या उपक्रमाचे स्वागत करून आयोजकांचे आभार मानले.
