दिल्लीतून सर्वात मोठी घोषणा! केंद्र सरकारने उतरवली ‘सुपर 6’ टीम; थेट PM मोदींच्या आदेशाने नियुक्ती;
देशातील लाखो विद्यार्थ्यांच्या भविष्याशी खेळणाऱ्या पेपर माफियांचा संपूर्ण खात्मा करण्यासाठी केंद्र सरकारने आतापर्यंतचे सर्वात मोठे पाऊल उचलले आहे. दिल्लीपासून गल्लीपर्यंत उमटणारा विद्यार्थ्यांचा आक्रोश आणि पेपरफुटीचे समूळ उच्चाटन करण्यासाठी पंतप्रधान नरेंद्र मोदी यांनी एक मोठा मास्टरस्ट्रोक मारला आहे.
देशातील परीक्षा प्रणालीला सुरक्षेचा ‘अभेद्य किल्ला’ बनवण्यासाठी केंद्र सरकारने विविध क्षेत्रांतील 6 दिग्गज तज्ज्ञांची एक सुपर टास्क फोर्स मैदानात उतरवली आहे.
तंत्रज्ञान क्षेत्रातील दिग्गज आणि आधार प्रकल्पाचे मुख्य शिल्पकार नंदन निलेकणी यांच्या अध्यक्षतेखाली ही हाय-पावर्ड टीम काम करणार असून नॅशनल टेस्टिंग एजन्सीच्या (NTA) कामकाजाचा पूर्ण कायाकल्प करण्याची जबाबदारी त्यांच्यावर सोपवण्यात आली आहे. या टास्क फोर्समध्ये इस्रोचे माजी अध्यक्षांपासून ते माजी आयबी संचालकांपर्यंतच्या दिग्गजांचा समावेश आहे.
नंदन निलेकणी यांच्या सोबतीने देशातील परीक्षा यंत्रणा पूर्णपणे पारदर्शक आणि सुरक्षित बनवणारे ते 5 धुरंधर कोण आहेत ते जाणून घेऊया.
- एस. सोमनाथ (माजी इस्रो प्रमुख):
पार्श्वभूमी: जागतिक स्तरावर भारताच्या अंतराळ संशोधनाचा डंका वाजवणारे माजी इस्रो प्रमुख एस. सोमनाथ हे ‘चंद्रयान-३’च्या ऐतिहासिक यशाचे मुख्य सूत्रधार आहेत.
जबाबदारी: अंतराळ मोहिमांच्या धर्तीवर देशातील परीक्षा प्रणालीला पूर्णपणे अचूक, लॉजिकल (तार्किक) आणि एरर-फ्री (त्रुटीमुक्त) करण्याचे काम ते करतील. परीक्षांच्या संपूर्ण प्रक्रियेची रणनीती आखण्यात त्यांची भूमिका अत्यंत महत्त्वाची ठरणार आहे.
- तपन डेका (माजी आयबी डायरेक्टर):
पार्श्वभूमी: देशातील सर्वोच्च गुप्तचर संस्था ‘इंटेलिजन्स ब्युरो’चे (IB) माजी संचालक तपन डेका हे अंतर्गत सुरक्षा आणि सर्व्हिलान्स (हेरगिरी व सुरक्षा) क्षेत्रातील तज्ज्ञ मानले जातात.
जबाबदारी: परीक्षा केंद्रांपासून ते थेट प्रश्नपत्रिकांच्या छपाईपर्यंतच्या संपूर्ण साखळीला एखाद्या सैन्याच्या किल्ल्यासारखी सुरक्षा पुरवणे ही त्यांची जबाबदारी असेल. पेपरफुटीची कटकारस्थाने रचणाऱ्या माफियांचे नेटवर्क आधीच ट्रॅक करून ते उद्ध्वस्त करण्याचा प्लॅन ते तयार करतील.
- प्रा. व्ही. कामाकोटी (संचालक, आयआयटी मद्रास):
पार्श्वभूमी: भारताच्या पहिल्या स्वदेशी ‘शक्ती’ मायक्रोप्रोसेसरचे जनक आणि सायबर सुरक्षेतील अग्रगण्य नाव.
जबाबदारी: परीक्षांसाठी वापरले जाणारे सॉफ्टवेअर, ऑनलाईन पोर्टल्स आणि सर्व्हर डेटाबेस हैकिंग किंवा कोणत्याही सायबर हल्ल्यापासून सुरक्षित ठेवण्याचे काम ते पाहतील. कृत्रिम बुद्धिमत्ता (AI) आणि प्रगत कोडिंगच्या मदतीने डिजिटल पेपर लीकच्या सर्व शक्यता पूर्णपणे बंद केल्या जातील.
- अनिता करवाल (माजी केंद्रीय शिक्षण सचिव): .
पार्श्वभूमी: माजी आयएएस अधिकारी असलेल्या अनिता करवाल यांनी सीबीएसईच्या (CBSE) अध्यक्षपदासह केंद्रीय शिक्षण सचिव म्हणून यशस्वी काम पाहिले आहे.
जबाबदारी: प्रशासकीय सुधारणा लागू करणे आणि परीक्षांचे नियम विद्यार्थ्यांसाठी सुलभ व पारदर्शक बनवणे यात त्यांची भूमिका महत्त्वाची असेल. एनटीए (NTA) मधील प्रशासकीय ढिसाळपणा दूर करून अधिकाऱ्यांची उत्तरदायित्व निश्चित करण्याचे काम त्या करतील.
- अमृत लाल मीना (लॉजिस्टिक्स तज्ज्ञ):
पार्श्वभूमी: वरिष्ठ प्रशासकीय अधिकारी असलेले अमृत लाल मीना हे देशातील सप्लाय चेन (पुरवठा साखळी) आणि इन्फ्रास्ट्रक्चर लॉजिस्टिक्सचे निष्णात रणनीतिकार मानले जातात.
जबाबदारी: प्रश्नपत्रिकांच्या छपाईपासून ते परीक्षा केंद्रांपर्यंत त्या अत्यंत सुरक्षितपणे पोहोचवण्याच्या (वाहतूक व वितरण) संपूर्ण प्रक्रियेचे नेतृत्व ते करतील. जीपीएस ट्रॅकिंग, डिजिटल स्मार्ट लॉक्स आणि अत्याधुनिक लॉजिस्टिक्स तंत्रज्ञानाचा वापर करून पेपर लीक होण्याचे सर्व मार्ग ते रोखतील.
पंतप्रधान मोदींच्या या निर्णयामुळे देशातील परीक्षा पद्धतीत एक नवी क्रांती घडणार असून पेपरफुटीचे रॅकेट कायमचे नष्ट होईल, असा विश्वास व्यक्त केला जात आहे.
