कळंबट येथे दुचाकी स्वारांवर बिबट्याचा हल्ल्याचा प्रयत्न, दुचाकी वरील मागे बसलेला मुलगा किरकोळ जखमी

सध्या रत्नागिरी जिल्ह्यात भरवस्तीत बिबट्यांचे दर्शन होण्याचे प्रमाण वाढले आहे असाच प्रकार चिपळूण तालुक्यातील कळंबट येथे घडला आहे चिपळूण तालुक्यातील कळंबट गावचे तंटामुक्ती अध्यक्ष तुषार शिरकर हे मार्गताम्हाणे येथून मोटारसायकलवरून घरी परतत असताना कळंबट बौद्धवाडीत अचानक बिबट्याने त्यांच्यावर झडप घातली. यावेळी मोटारसायकलवर मागे त्यांचा मुलगा बसला होता. बिबट्याने त्याला पकडण्याचा प्रयत्न केला मात्र तो थोडक्यात बचावला. तथापि, त्याच्या अंगावर बिबट्याची नखे लागल्याने जखमी झाला असून त्याला प्राथमिक आरोग्य केंद्र, वहाळ येथे दाखल करण्यात आले आहे. ही घटना काल रात्री घडली.

कळंबट परिसरात बिबटे वारंवार ग्रामस्थांना दिसत असून त्यांनी यापूर्वी बकऱ्या, कुत्री व गुरांवर हल्ले करून शेतकऱ्यांचे नुकसान केले आहे.