देवरुख ते सोनवडे जाणाऱ्या रस्त्यावर वन्य प्राण्यांची शिकार करण्याच्या उद्देशाने विनापरवाना शस्त्र बाळगल्या प्रकरणी देवरुख मधील दोन तरुण पोलिसांच्या ताब्यात
देवरुख ते सोनवडे जाणाऱ्या रस्त्यावर वन्य प्राण्यांची शिकार करण्याच्या उद्देशाने विनापरवाना शस्त्र बाळगल्या प्रकरणी देवरुख मधील दोन तरुणांना पोलिसांनी ताब्यात घेतले
रात्रीच्या वेळी गस्त घालताना मौजे विघ्रवली एस टी बस स्टॉप देवरुख ते सोनवडे जाणाऱ्या रस्त्यावर दोन इसम डोक्याला बॅटरी लावलेले दिसून आले. गस्त घालणाऱ्या श्री अभिषेक वेलणकर आणि श्री सचिन कामेरकर या दोन हेड कॉन्स्टेबलनी दोन स्कुटर स्वारांकडे विचारणा केली असता त्यांनी समर्पक उत्तर नं दिल्याने संशय बळावाला आणि अधिक चौकशी करता असता यापैकी एकाकडे जिवंत काडतूस आणि बंदूक आढळून आली.
प्रितेश प्रतिपाल आडावं (वय २६ वर्षे) रा कांजीवरा देवरुख आणि साहिल संतोष कदम (वय वर्ष १९) रा ओझरे बौध्दवाडी असे अटक केलेल्या दोन तरुणांचे नाव असून हे तरुण वन्य प्राण्यांची शिकार करण्याच्या उद्देशाने फिरत असल्याचे पोलीस तपासात निष्पन्न झाले आहे. या कारवाईत दुचाकीसह गावठी बंदूक, जिवंत काडतूस बॅटरी जप्त करण्यात आले आहे.सदर कारवाई पोलीस निरीक्षक श्री झावरे यांच्या मार्गदर्शना खाली करण्यात आले. या कामी पोलीस हे कॉन्स्टेबल मसूरकर आणि पो हे कॉ सचिन पवार (चालक) यांनी पो हे कॉ सचिन कामेरकर आणि पो हे कॉ अभिषेक वेलणकर यांना साहाय्य केले.
