रत्नागिरी शहरात कर्ला येथे मालमत्तेच्या वादातून महिलेवर लाकडी पट्टीने हल्ला

रत्नागिरी शहरात कर्ला येथे मालमत्तेच्या वादातून महिलेवर लाकडी पट्टीने हल्ला झाल्याची घटना उघडकीस आली आहे. ही घटना १९ ऑगस्ट रोजी दुपारी ४ वाजताच्या सुमारास कर्ला येथील किस्मत कॉलनीमधील येथे घडली. या प्रकरणी आरोपी तमन्ना जमीर मजगावकर हिच्या विरोधात रत्नागिरी शहर पोलीस ठाण्यात गुन्हा दाखल करण्यात आला आहे.

फिर्यादी समिना सऊद मजगावकर (वय ४८) यांनी पोलिसांत दिलेल्या तक्रारीनुसार, आरोपी तमन्ना मजगावकर फिर्यादीच्या घरी आली. तिने “हे घर माझे आहे, तुम्ही घरातून बाहेर जा” असे बोलून मोठमोठ्याने ओरडाओरड करण्यास सुरुवात केली. हे घर तिच्या पतीने बांधलेले असल्याचा दावाही तिने केला. यावेळी, आरोपी तमन्ना हिने समिनाच्या सासू-सासऱ्यांना शिवीगाळ करण्यास सुरुवात केली.

आरोपीच्या हातात लाकडी पट्टी (रीप) होती. फिर्यादी समिना यांनी तिला शिवीगाळ न करण्यास सांगितले असता, आरोपीला त्याचा राग आला. रागाच्या भरात तिने तिच्या हातातील लाकडी पट्टीने समिना यांच्या डोक्यात डाव्या बाजूला मारून त्यांना जखमी केले