कल्याणमधील प्रसिद्ध बांधकाम व्यावसायिक मंगेश गायकर गोळी लागून जखमी.
कल्याणमधील प्रसिद्ध बांधकाम व्यावसायिक तथा मंगेश श्री ग्रुपचे मालक मंगेश गायकर यांना गोळी लागल्याची माहिती समोर आली आहे. मंगेश गायकर यांच्या चिकन घर येथील कार्यालयात संबंधित घटना घडली.प्राथमिक माहितीनुसार, मंगेश गायकर यांच्या संरक्षणासाठी देण्यात आलेल्या बंदुकीतून निघालेल्या गोळीनेच त्यांना गोळी लागली आहे. पण मिस फायरिंग झाली की गोळीबार झाला हे अद्याप समजू शकलेलं नाही. गोळी बंदूक साफ करताना अपघाताने चालली की कोणी इतरांनी गोळी चालवली याचा तपास पोलिसांकडून सुरू आहे. दरम्यान, या घटनेत मंगेश गायकर यांच्यासह त्यांचा मूलगा जखमी झाला आहे. त्यांना तातडीने कल्याणमधील मीरा हॉस्पिटल येथे उपचारासाठी दाखल करण्यात आली आहे. या प्रकरणी पोलिसांकडून तपास करण्यात आला आहे.
