चारित्र्याच्या संशयावरून पतीने पत्नीचा सुऱ्याने वार करून निर्घृण केला खून, सिंधुदुर्गातील घटना

चारित्र्याच्या संशयावरून पतीने पत्नीचा सुऱ्याने वार करून निर्घृण खून केला. ही घटना धनगरवाडा (ता.देवगड) येथे शुक्रवारी (दि. १९) सकाळी ११.३० च्या सुमारास घडली.सुनील सदानंद पेडणेकर (वय ५८) असे संशयित पतीचे नाव, तर सुप्रिया सुनील पेडणेकर (वय ५०) असे खून झालेल्या महिलेचे नाव आहे. विजयदुर्ग पोलिसांनी पती सुनील याला अटक केली आहे. या घटनेमुळे परिसरात खळबळ उडाली आहे. याबाबत पोलिसांकडून मिळालेल्या माहितीनुसार, म्हाळुंगे धनगरवाडी येथे पत्नी व मुलगा सिद्धेश (वय २७) यांच्यासोबत सुनील पेडणेकर राहत होता. त्याआधी तो २०२२ पर्यंत पत्नी व मुलासमवेत मुंबईत राहत होते. त्यांचे स्वतःचे मेडिकल होते, ते विकून म्हाळुंगे धनगरवाडा येथे राहायला आले होते. येथे त्यांनी घर बांधले होते. दरम्यान, सुनील हा पत्नीवर संशय घेत होता. या संशयातून त्यांच्यामध्ये वारंवार भांडणे होत होती. आज सकाळी साडेअकराच्या सुमारास स्वयंपाक घरातून भांडणाचा आवाज आला. यावेळी मुलगा सिद्धेश बाहेरून आत आला असता त्याला आई खाली पडलेल्या स्थितीत दिसली. व वडील तिच्या हातावर, छातीवर सुऱ्याने वार करत होते. सिद्धेश यांने वडिलांना बाजूला करून त्यांच्या हातातून सुरा काढून घेण्याचा प्रयत्न केला. त्यावेळी त्याच्या हातालाही जखम झाली.त्यांने सुरा काढून वडिलांना एका बाजूलाबसविले. व तत्काळ म्हाळुंगे पोलीस पाटील आत्माराम तोरसकर व विजयदुर्ग पोलीस स्टेशनला फोन लावून कळविले. सहाय्यक पोलीस निरीक्षक मनोज सोनवलकर, पोलीस कॉन्स्टेबल प्रशांत जाधव, विलास राठोड, गणेश भावंड, संतोष डामरे, पोलीस कॉन्स्टेबल देवेंद्र मुंबरकर, विक्रम कोयंडे यांनी घटनास्थळी धाव घेत संशयित सुनील याला ताब्यात घेतले. घटनास्थळाचा पंचनामा केला.www.konkantoday.com