खेड पोलीसांमार्फत “सेक्सटॉर्शन” मधील दाखल गुन्ह्यात एका ‘अंतर राज्य’ आरोपीस अटक

दिनांक ०५/११/२०२२ रोजी एका अनोळखी हिंदी भाषिक इसमाद्वारे खेड येथील रहीवासी असणाऱ्या एका इसमाच्या WhatsApp वर व्हॉईस कॉल करण्यात आला व संभाषण संपताच लागलीच त्यांचे Morph केलेले फोटो (संगणकाचा उपयोग करून बदल घडवून आणण्यात आलेली छायाचित्रे) पाठविण्यात आले व सदर छायाचित्रे ही त्यांच्या Facebook अकाऊंट वरील सर्व मित्रांना पाठवणार असे ब्लॅकमेल करण्यात आले व तसे न करण्यासाठी सदर इसमास प्रथम ₹ १५०००/- व नंतर पुनः ₹ १५,०००/- असे एकूण ₹३०,०००/- गूगल-पे च्या माध्यमातून पाठविण्यास सांगीतले म्हणून सदरचा गुन्हा खेड पोलीस ठाणे येथे गुन्हा रजि नंबर ३१२/२०२२ भा.द.वि.सं. कलम ३८५ सह माहिती तंत्रज्ञान अधिनियम चे कलम ६७ अन्वये दाखल करण्यात आलेला होता. मा. पोलीस अधीक्षक, रत्नागिरी श्री. धनंजय कुलकर्णी, अपर पोलीस अधीक्षक, श्रीमती. जयश्री गायकवाड, उप विभागीय पोलीस अधिकारी खेड श्री. राजन सस्ते यांच्या मार्गदर्शनाखाली खेड पोलीस ठाण्याचे प्रभारी अधिकारी श्री. नितीन पांडुरंग भोयर हे आपल्या पथकासह सदर गुन्ह्याचा तपास करीत होते. या पथका मार्फत गुन्ह्याचे तांत्रिक विश्लेषण करण्यात आले तसेच फिर्यादी यांनी या हिन्दी भाषिक इसमाला केलेल्या ऑनलाईन मनी ट्रान्सफर चा कसून तपास करण्यात आला असता तपासामध्ये आरोपी मेहजर अली इकबाल हुसैन रा. फतेहपुर ता. पहाडी जिल्हा डिग, राज्य राजस्थान या व्यक्तीचे नाव समोर आले व त्या आधारे आरोपीचा शोध घेण्याकरिता यापूर्वी राजस्थान येथे तपास पथक पाठविण्यात आले असता आरोपी हा तेथून फरारी झाल्याचे निष्पन्न झाले होते. खेड पोलीसांमार्फत आरोपीच्या ठाव ठिकाणा बाबत गोपनीय माहिती काढण्यात आली व आरोपी मेहजर अली इकबाल हुसैन रा. फतेहपुर ता. पहाडी जिल्हा डिग, राज्य राजस्थान यास आज दिनांक ०४/०३/२०२४ रोजी यशस्वी रित्या ताब्यात घेऊन अटक करण्यात आलेली आहे तसेच गुन्ह्यातील 100% रक्कम परत मिळवण्यात यश आलेले आहे. सदर आरोपी हा “सेक्सटॉर्शन” च्या माध्यमातूनच आपला उदरनिर्वाह करत असल्याचे तपासामध्ये निष्पन्न झालेले आहे व वरील नमूद गुन्हा करण्यासाठी आरोपी कडून वापरण्यात आलेले दोन मोबाईल फोन व 4 विविध मोबाईल कंपनीचे सिमकार्ड जप्त करण्यात आलेले आहेत. ही कारवाई खालील नमूद पोलीस अधिकारी / अंमलदार यांनी केलेली आहे.1) प्रभारी पोलीस निरीक्षक, श्री. नितीन भोयर, खेड पोलीस ठाणे, 2) पो.कॉ / ९६२ श्री. वैभव ओहोळ, खेड पोलीस ठाणे व 3) पो.कॉ / ६६ श्री. कृष्णा बांगर, खेड पोलीस ठाणे.www.konkantoday.com