राज्यातील सर्व मंडळांच्या शाळांमध्ये ५ वी ते १० वी च्या वर्गांसाठी मराठी विषय सक्तीचा करण्यात आल्याचे शुद्धीपत्रक शालेय शिक्षण विभागाने जारी केले.

मराठीसक्ती’ राज्यातील सर्व मंडळांच्या शाळांमध्ये ५ वी ते १० वी च्या वर्गांसाठी मराठी विषय सक्तीचा करण्यात आल्याचे शुद्धीपत्रक शालेय शिक्षण विभागाने सोमवारी जारी केले.
महाराष्ट्र राज्यातील सर्व परीक्षा मंडळांच्या अभ्यासक्रम असलेल्या, सर्व माध्यमांच्या शासकीय व खासगी व्यवस्थापनाच्या सर्व शाळांमध्ये मराठी भाषेचे अध्यापन व अध्ययन सक्तीचे करण्याबाबतचा कायदा राज्याने विधीमंडळात पारित केला आहे. मात्र, शालेय शिक्षण विभागाने शासन आदेश काढताना इयत्ता ५ वी ते १० वी या इयत्तांसाठी मराठी भाषेला द्वितीय भाषेचा दर्जा देताना सक्ती या शब्दाचा वापर केला नव्हता.
त्यामुळे मराठी भाषा शिकविण्यास उत्सुक नसलेल्या केंद्रीय माध्यमिक शिक्षण मंडळ (सीबीएसई), भारतीय माध्यमिक शिक्षण परिषद (आयसीएसई), आंतरराष्ट्रीय शिक्षण मंडळ (आयबी), केंब्रीज मंडळाच्या अनेक शाळांनी पळवाट शोधत मराठी भाषा विषय शिकवण्यास टाळाटाळ केली होती.
www.konkantoday.com