नाशिक वरून मंडणगड कडे येणाऱ्या वॅगनआर कारचा शिरगाव येथे भीषण अपघात, दोघांचा जागीच मृत्यू रत्नागिरीतील महिलेचा समावेश दोन जण गंभीर जखमी

रत्नागिरी जिल्ह्यातील मंडणगड तालुक्यातील शिरगाव येथे आज१८ नोव्हेंबर रोजी पहाटे पाचच्या सुमारास नाशिक वरून मंडणगड कडे येणाऱ्या वॅगनआर कारचा शिरगाव येथे भीषण अपघात झाला. या अपघातात शंकर करमरकर वय सुमारे ५० मुक्काम राजापूर देहेण तालुका दापोली.(सध्या वास्तव्य दापोली) हर्षदा जोशी वय सुमारे ७० टिळक आळी रत्नागिरी .या दोघांचा जागीच मृत्यू झाला आहे .तर प्रमोद मुकुंद लिमये वय वर्षे सुमारे ६० आणि ओंकार प्रमोद लिमये वय वर्ष सुमारे ३५ दोघेही राहणार मुक्काम केळशी तालुका दापोली यांना गंभीर दुखापत झाली असून त्यांना पुढील उपचाराकरिता मंडणगड उपजिल्हा रुग्णालय येथे दाखल करण्यात आल्याची माहिती मंडणगड पोलिसांनी दिली आहे.
पहाटे पाचच्या सुमारास रस्त्यावरून गाडी बाजूच्या कोहळात पलटी होऊन हा अपघात झाला व त्यामध्ये गाडीतून प्रवास करणाऱ्या दोन प्रवाशांचा जागी मृत्यू झाल्याची माहिती मंडणगड पोलिसांनी दिली आहे. अपघाताचा पुढील तपास त्या मंडणगड पोलीस करीत आहेत.