‘मुंबईचा राजा’ क्रिकेट सोडणार! रोहितच्या रिटायरमेंटचा सामना ठरला; सर्वात मोठी INSIDE स्टोरी!
Rohit Sharma Retirement News : क्रिडा विश्वातून सर्वात मोठी अन् हार्ट ब्रेक करणारी बातमी समोर आली आहे. क्रिकेटप्रेमींच्या गळ्यातील ताईत, भारतीय क्रिकेट संघाचा यशस्वी माजी कर्णधार, मुंबईचा राजा हिटमॅनच्या क्रिकेटमधील प्रवासाची सांगता होण्याचे संकेत मिळत आहेत.
रोहित सध्या इंग्लंड दौऱ्यावर आहे. गुरुवारी, त्याने मालिकेतील दुसऱ्या सामन्यात २६ धावा केल्या, पण त्यासाठी त्याला ४७ चेंडू लागले. पहिल्या सामन्यात केवळ ११ धावा केल्यामुळे, या डावात रोहित कधीच फॉर्ममध्ये दिसला नाही. आता असे वृत्त आहे की निवड समितीने रोहितला संघातून वगळण्याचा निर्णय घेतला आहे आणि रोहितला याची माहिती देण्यात आली आहे.
मुंबईचा राजा क्रिकेटला रामराम ठोकणार!
इंडियन एक्सप्रेसच्या वृत्तानुसार, १९ जुलै रोजी भारत आणि इंग्लंड यांच्यातील तिसरा आणि अंतिम एकदिवसीय सामना रोहित शर्माचा या फॉरमॅटमधील शेवटचा सामना ठरू शकतो. बीसीसीआयच्या वरिष्ठ निवड समितीने त्याला कळवले आहे की या मालिकेनंतर त्याला संघातून वगळण्याचा निर्णय त्यांनी घेतला आहे. याचा स्पष्ट अर्थ असा आहे की रोहितला यापुढे संधी मिळणार नाही.
अहवालानुसार, भारतीय निवड समितीने प्रशिक्षक गौतम गंभीर यांच्यासह गेल्या आठवड्यात शर्मा यांच्याशी संवाद साधला आणि त्यांच्या भविष्यातील योजनांवर चर्चा केली. निवड समितीला यशस्वी जैस्वालसारख्या युवा खेळाडूंना संधी द्यायची आहे, जे बऱ्याच काळापासून वाट पाहत आहेत, आणि हे स्पष्ट आहे की समिती २०२७ च्या ५० षटकांच्या विश्वचषकासाठी रोहित शर्माचा विचार करु इच्छित नाही.
अहवालानुसार, भारतीय बोर्डाच्या एका सूत्राने सांगितले, “निवड समितीने रोहितला कळवले आहे की इंग्लंड दौऱ्यानंतर तो संघामध्ये नसेल आणि या मालिकेनंतर तो संघापासून दूर राहिल. मात्र रोहितला खेळणे सुरू ठेवायचे होते, विशेषतः आपल्या तंदुरुस्तीवर काम केल्यानंतर त्याला संघात स्थान हवे होते. मात्र आता निवड समितीने आपल्या भविष्याबद्दलचा निर्णय शर्मावर सोपवला आहे.”
अहवालानुसार, रोहित शर्माने इंग्लंड मालिकेव्यतिरिक्त काही बीसीसीआय अधिकाऱ्यांशीही संवाद साधला होता आणिनिवड समितीच्या निर्णयावर नाराज आहे. भारताला टी-२० विश्वचषक विजेतेपद मिळवून दिल्यानंतर काही तासांतच रोहितने टी-२० क्रिकेटमधून निवृत्ती घेतली. त्यानंतर, ७ मे २०२५ रोजी, त्याने आयपीएल दरम्यान कसोटी क्रिकेटमधून निवृत्ती घेतली, ज्याची घोषणा त्याने भारताच्या इंग्लंड दौऱ्यापूर्वी इंस्टाग्रामद्वारे केली.
रोहित शर्माच्या कसोटी क्रिकेटमधून निवृत्तीनंतर, निवड समिती, संघ व्यवस्थापनासोबत, भारतीय क्रिकेटच्या भविष्यासाठी अधिक तरुण खेळाडूंना घडवण्यासाठी उत्सुक आहे. जैस्वालसारख्या खेळाडूंना शतके झळकावूनही बेंचवर बसवण्यात आले आहे. निवड समितीने गेल्या वर्षीच त्याचे एकदिवसीय कर्णधारपद काढून घेतले होते, कारण निवड समितीने भारताच्या ५० षटकांच्या सामन्यांचे कर्णधारपद शुभमन गिलकडे सोपवण्याचा निर्णय घेतला होता.
