गणपतीपुळे समुद्रात लाटेचा फटका बसून बेशुद्ध झालेल्या पर्यटक महिलेचा उपचाराच्या दरम्यान मृत्यू

रत्नागिरी तालुक्यातील गणपतीपुळे येथील समुद्रात खेळत असताना तोंडात पाणी गेल्यामुळे बेशूध्द पडलेल्या तरुणीचा उपचारांदरम्यान कोल्हापूर येथील रुग्णालयात मृत्‍यू झाला.संध्या स्वप्निल कांबळे (24,रा.चंदूर ता.हातकणंगले,कोल्हापूर) असे मृत्‍यू झालेल्या तरुणीचे नाव आहे.संध्या कांबळे ही पर्यटनासाठी 25 मे 2026 रोजी गणपतीपुळे येथे आली होती. सकाळी 8.30 वा.सुमारास ती तेथील समुद्राच्या पाण्यात खेळत असताना समुद्राची लाट तिच्या पाठीवर जोरात आपटल्याने ती तोंडावर पडली होती. त्‍यावेळी तिच्या तोंडातवाटे पाणी शरीरात गेल्यामुळे ती बेशूध्द झाल्यामुळे तिच्या नातेवाईकांनी तिला तातडीने प्राथमिक आरोग्य केंद्र मालगुंड येथे दाखल केले होते. त्‍यानंतर तिला जिल्हा शासकिय रुग्णालयात दाखल करुन अधिक उपचारांसाठी बेशूध्द अवस्थेतच कोल्हापूर येथील सीपीआर रुग्णालयात दाखल करण्यात आले होते. परंतू उपचारांदरम्यान तिचा मृत्‍यू झाला.