परशुराम घाट वाहतुकीसाठी बंद; कळंबस्ते- आंबडस- लोटे मार्गे वाहतूक वळवली
चिपळूण : मुंबई – गोवा महामार्गावरील
परशुराम घाट वाहतुकीसाठी बंद ठेवण्यात आला आहे. चिपळूण- मुंबई गोवा महामार्गावरील चिपळूण जवळील परशुराम घाटातील वाहतूक बंद करण्यात आली आहे. गेल्या चार तासांपासून चिपळूणमध्ये पडत असलेल्या मुसळधार पावसामुळे खबरदारी म्हणून वाहतूक बंद करण्यात आली आहे. दोन दिवसांपूर्वी मध्यरात्री दरड कोसळून हा घाट वाहतुकीसाठी बंद करण्यात आला होता. सध्या हलक्या वजनाची वाहतूक कळंबस्ते- आंबडस- लोटे मार्गे वळविण्यात आली आहे.
