रॅलिस पॅरामेडिकल इन्स्टिट्यूट, वाटूळ येथे डॉ. बाबासाहेब आंबेडकर महापरिनिर्वाण दिनाचे आयोजन

आज दिनांक 6 डिसेंबर 2025 रोजी रॅलिस पॅरामेडिकल इन्स्टिट्यूट, वाटूळ येथे भारतरत्न डॉ. बाबासाहेब आंबेडकर यांचा महापरिनिर्वाण दिन मोठ्या आदर व श्रद्धेने साजरा करण्यात आला.

कार्यक्रमाची सुरुवात डॉ. बाबासाहेब आंबेडकर यांच्या प्रतिमेस पुष्पहार अर्पण करून करण्यात आली. त्यांच्या महान कार्याची, सामाजिक योगदानाची आणि भारतीय संविधान निर्मितीतील भूमिकेची माहिती विद्यार्थ्यांना देण्यात आली. संस्थेचे प्रमुख अण्णा पवार तसेच सर्व स्टाफ सदस्यांनी उपस्थित राहून बाबासाहेबांच्या स्मृतीला विनम्र अभिवादन केले.

या प्रसंगी विद्यार्थ्यांना संविधान मूल्ये, समानता, बंधुता आणि न्याय या बाबींचे महत्त्व समजावून सांगण्यात आले. कार्यक्रमाचे संयोजन संस्थेच्या शिक्षकवर्गाने उत्तम प्रकारे केले.

कार्यक्रमाची सांगता “जय भीम” च्या घोषणांनी करण्यात आली.

— रॅलिस पॅरामेडिकल इन्स्टिट्यूट, वाटूळ