सयाजी राजे वॉटर पार्कमध्ये भीषण अपघात; ‘या’ बड्या उद्योजकाचा मृत्यू

सोलापूरमधून एक धक्कादायक घटना समोर आली आहे. अकलूजमधील एका प्रसिद्ध वॉटर पार्कमध्ये एडव्हॅन्चर राईडचा पाळणा कोसळून एक भीषण अपघात झाला आहे. या अपघातात एका व्यापाऱ्याचा मृत्यू झाला आहे, तर चार जण जखमी झाले आहेत.अकलूजच्या सयाजी राजे वॉटर पार्कमध्ये भीषण अपघात झाला आहे.

वॉटर पार्कमध्ये असलेला फिरता पाळणा पडल्यामुळे एकाचा मृत्यू झाला आहे तर चार जण जखमी झाले आहेत. वॉटर पार्कमधला पाळणा निसटून पडल्यामुळे हा अपघात झाला. भिगवण येथील तुषार धुमाळ नावाच्या व्यावसायिकाचा या अपघातात मृत्यू झाला असून आणखी दोन जण किरकोळ जखमी झाले आहेत. धुमाळ हे भिगवण येथील प्रसिद्ध एलआयसी उद्योजक आहेत.

अपघातानंतर रुग्णांना तातडीने जवळच्या रुग्णालयात उपचारासाठी दाखल करण्यात आले. या अपघाताची माहिती मिळताच पोलीस तातडीने घटनास्थळी दाखल झाले. हा अपघात नेमका कसा झाला? वॉटरपार्कमधल्या राईडची डागडुजी केली होती का? याचा तपास पोलिसांकडून केला जात आहे.