ग्रंथालय निर्मिती उपक्रमांत मंडणगडातील तीन शिक्षकांची पुस्तके राज्यस्तरावर.

शिक्षण विभागाच्या ग्रंथालय निर्मिती उपक्रमांत रत्नागिरी जिल्ह्यातील सात पुस्तकांची राज्यस्तरासाठी निवड करण्यात आली. यात मंडणगड तालुक्यातील तीन शिक्षक लेखकांच्या तीन पुस्तकांचा समावेश आहे. यातील दोन पुस्तके राज्यातील सर्व शाळांमध्ये वितरीत झाले असून एक पुस्तक लवकरच वितरित होणार आहे.

वाचन संस्कृतीला चालना मिळावी, विद्यार्थ्यांना शालेय जीवनात वाचनाची आवड निर्माण व्हावी या उद्देशाने शिक्षण विभागाने सुरु केलेल्या उपक्रमात मंडणगड तालुक्यातील शिक्षिका सुप्रिया चाळके यांचे ’बालजगत’, शिक्षक सुधीर दराडे यांचे ’बोधमाला’, भाऊसाहेब टुले यांचे तन्मयची रोजनिशी’ या तीन पुस्तकांची निवड झाली आहे. यातील बालजगत व बोधमाला ही दोन पुस्तके राज्यातील सर्व शाळांमध्ये वितरीत झाली उर्वरीत एक पुस्तक ग्रथालयांमध्ये लवकरच उपलब्ध होणार आहे.www.konkantoday.com