राजापुरातील ’त्या’ बिबट्याचा मृत्यू फासकीत अडकून, वनविभागाची माहिती

राजापूर तालुक्यातील मजरे जुवे-भालावली येथे मुचकुंदी नदीच्या किनार्‍यालगत मृतावस्थेत सापडलेल्या बिबट्याबाबत उलटसुलट प्रश्न उपस्थित होत असतानाच फासकीत अडकून बिबट्याचा मृत्यू झाल्याचे राजापूरचे पद्म वैद्यकीय अधिकारी यांनी स्पष्ट केल्याची माहिती राजापूरचे वनपाल जयराम बावधाने यांनी दिली. दरम्यान, मृत बिबट्याचे विच्छेदन करण्यात आले असून सर्व अवयव सुस्थितीत असल्याचे सांगण्यात आले. बिबट्याच्या मृत्यूस कारणीभूत ठरलेल्या संशयितावर गुन्हा दाखल करण्यात आल्याचल वनविभागाकडून स्पष्ट करण्यात आले. पशु वैद्यकीय अधिकार्‍यांनी मृत बिबट्याचे शवविच्छेदन केले. त्याचे चारही पंजे, जबडा आदी भाग आणि अवयव सुस्थितीत होते. मात्र ते कुजलेल्या अवस्थेत होते. आणि त्याच्या शरीरावर कुठेही गोळी लागल्याची खूण नव्हती. मात्र लावलेल्या फासकीत अडकून बिबट्या मृत्यूमुखी पडला होता अशी माहिती राजापूरचे पशुवैद्यकीय अधिकारी भगत यांनी दिल्याचे राजापूरचे वनपाल जयराम बावधाने यांनी पत्रकाराना दिली.www.konkantoday.com