दापोली-दाभोळ मार्गावर नव्याने सुरू झालेली शिवाई ई-बस अचानक पडली बंद

दाभोळ येथून दापोलीकडे येणारी शिवाई ई बस क्र. एमएच ४९ बीझेड ८३५३ प्रवासादरम्यान अचानक बंद पडल्याची घटना घडली. या बसने नुकतीच आपली तिसरी फेरी पूर्ण केली होती.
दाभोळ येथून संध्याकाळी ४ वाजता सुटलेली ही बस दापोली जालगांव (सुतारकोंड) परिसरात अचानक बंद पडली. या बसमध्ये सुमारे २० प्रवासी होते. घटनेनंतर सर्व प्रवाशांना मागून येणार्‍या दुसर्‍या दाभोळ बसमध्ये सुरक्षितरित्या बसवून दापोली आगाराकडे पाठविण्यात आले.
या शिवाई ई बसेसचे नुकतेच दापोलीत लोकार्पण झाले होते. बस बंद पडल्याने प्रवाशांमध्ये काही काळ चिंता निर्माण झघली. या इलेक्ट्रीक बसमध्ये असलेल्या सेंसरवर मॉईश्‍वर पकडल्याने डॅश बोर्डवरील स्क्रीन वर मेसेज आला तेव्हा चालकाने बस बाजूला थांबवली आणि विनायक आगरकर (तंत्रज्ञ) यांना पाचारण करण्यात आले. त्यांनी बसची पाहणी केली असता कोणताही बिघाड नसून गाडी पुन्हा चालू करून आगारात आणण्यात आली आणि चार्जिंग स्टेशनला आणून चार्जिंगला लावण्यात आली.
www.konkantoday.com