13 ऑगस्ट पासून कोकणात येणाऱ्या चाकरमान्यांना कोरोना टेस्ट करावी लागणार

१३ते २१ऑगस्ट दरम्यान कोकणात जाणाऱ्या चाकरमान्यांसाठी शासनाच्या निर्देशानुसार एसटी बसेस आरक्षणासाठी उपलब्ध करण्यात आलेल्या आहेत. मात्र, सदर प्रवासापूर्वी संबंधित प्रवाशांनी कोविड – 19 ची चाचणी (RT- PCR Swab Test ) करणे अनिवार्य असून सदर चाचणी निगेटिव्ह (नकारात्मक ) असल्यास संबंधितांना प्रवास करता येईल, अशी अट ठेवण्यात आली आहे. यासाठी मुंबई, ठाणे, पालघर या विभागातील प्रमुख बसस्थानकावर बसेस उपलब्ध करण्यात आलेल्या आहेत.
ई पास नको, पण कोविड टेस्ट निगेटिव्ह असल्याचा रिपोर्ट आणा असा आदेश महामंडळाने काढला आहे. त्यामुळे कोविड-19 च्या टेस्टसाठी चाकरमान्यांना अडीच हजार मोजावे लागणार आहेत
याशिवाय या काळात कोकणात येणाऱ्या खासगी ट्रॅव्हल्स व खाजगी गाड्यांनी येणाऱ्या चाकरमान्यांना देखील कोरोना टेस्ट सक्तीची करण्यात आली आहे टेस्टचा रिपोर्ट दाखविल्याशिवाय त्यांना जिल्ह्यात प्रवेश देण्यात येणार नाही
www.konkantoday.com