अधिकाधिक संख्येने मतदान करण्याचे ‘लोटिस्मा’चे मतदारांना आवाहन.
चिपळूण :: येथील लोकमान्य टिळक स्मारक वाचन मंदिराच्या वतीने, लोकसभा निवडणुकीत ७ मे रोजी अधिकाधिक संख्येने महिला आणि पहिल्यांदा मतदान करणाऱ्या तरुणांसह सर्व मतदारांनी मतदान करावे असे आवाहन करण्यात आले आहे.भारतात सध्या लोकशाहीचा अभूतपूर्व महोत्सव सुरू आहे. यात मतदारांनी पुढे येऊन सामील होण्याची गरज आहे. मतदारांनी आपल्या घरातून बाहेर पडावे, मतदान केंद्रांवर जावे आणि अतिशय जबाबदारी आणि अभिमानाच्या भावनेतून मतदान करायला हवे आहे.मतदान केलेल्या, वाचनालयाच्या सभासदांना एका पुस्तकाची एक महिन्याच्या वर्गणीची सूट देण्यात येणार आहे. सभासदांनी याचा लाभ घेऊन अधिकाधिक संख्येने मतदान करावे असे आवाहन लोकमान्य टिळक स्मारक वाचन मंदिराचे अध्यक्ष डॉ. यतीन जाधव व कार्यवाह विनायक ओक यांनी केले आहे.
