शिरगाव येथे पत्नीची पतीला मारहाण करत ठार मारण्याची धमकी
रत्नागिरी: शिरगाव येथे पत्नीने पतीला मारहाण केल्याप्रकरणी पोलीस ठाण्यात गुन्हा दाखल करण्यात आला आहे. ही घटना रविवार 17 एप्रिल रोजी घडली.
पोलिसांनी दिलेल्या माहितीनुसार, फैयाज मुजावर (47, मुस्लीम मोहल्ला, शिरगाव) यांनी आपला मुलगा झैन हा घरी आला असता त्याला ‘तू दीड महिना जिथे राहात होतास तिथेच राहायचे. इकडे कशाला आलास’ असे सांगितल्याचा राग येऊन फैयाज यांची पत्नी परवीन फैयाज मुजावर हिने शिवीगाळ करत घरातील लाकडी फळीचा तुकडा फिर्यादी फैयाज यांच्या डोक्यात मारुन जखमी केले. तसेच ठार मारुन टाकीन अशी धमकी दिली.
फैयाज मुजावर यांनी दिलेल्या फिर्यादीनुसार पत्नी परवीन मुजावर हिच्यावर गुन्हा दाखल करण्यात आला आहे.
