दिवा-रोहा -चिपळूण मेमूच्या फेर्‍या 9 सप्टेंबरपर्यंत वाढवल्या
रत्नागिरी : गणेशोत्सवासाठी रोहा ते चिपळूण दरम्यान सुरू करण्यात आलेल्या मेमू ट्रेनच्या फेर्‍या दि. 6 ते 9 सप्टेंबर 2022 या कालावधीसाठी वाढवण्यात आल्या आहेत. यामुळे गणेशोत्सवानंतर मुंबईला परतणार्‍या चाकरमान्यांना दिलासा मिळाला आहे. यावेळी गणेशोत्सवासाठी प्रथमच दिवा – रोहा – चिपळूण (01157/01158) अशी मेमू ट्रेन सुरू करण्यात आली आहे. दीड दिवसांचा गणेशोत्सव आटोपून चाकरमान्यांची परतीची लगबग सुरू झाल्याने होत असलेली गर्दी लक्षात घेत कोकण रेल्वेने मेमू ट्रेनच्या फेर्‍या वाढवण्याचा निर्णय घेतला आहे.
