रत्नागिरी नगरपालिकेच्या विषय समित्यांच्या सभापतींची निवड
रत्नागिरी : नगरपालिकेच्या विविध विषय समित्यांच्या सभापतींची निवड प्रक्रिया आज (२० जानेवारी) पालिकेच्या सभागृहात झालेल्या बैठकीत पार पडली.
यामध्ये शिक्षण, क्रीडा व सांस्कृतिक समितीच्या सभापतीपदी समीर जगन्नाथ तिवरेकर यांची निवड करण्यात आली. सार्वजनिक बांधकाम समितीच्या सभापतीपदी संतोष दत्तात्रय कीर, तर पाणीपुरवठा व जलनिस्सारण समितीच्या सभापतीपदी निमेश विजय नायर यांची निवड करण्यात आली आहे.
स्वच्छता, वैद्यकीय व सार्वजनिक आरोग्य समितीच्या सभापतीपदी राकेश चंद्रकांत नागवेकर, नियोजन व विकास समितीच्या सभापतीपदी सुहेल अब्दुल लतीफ साखरकर, तर महिला व बालकल्याण समितीच्या सभापतीपदी प्रीती रवींद्र सुर्वे यांची निवड करण्यात आली आहे.
नवीन निवड झालेल्या सभापतींकडून शहराच्या सर्वांगीण विकासासाठी प्रभावी कामगिरीची अपेक्षा व्यक्त करण्यात येत आहे. या निवडीमुळे नगरपरिषदेच्या प्रशासकीय कामकाजाला गती मिळणार असल्याचे मत यावेळी व्यक्त करण्यात आले.
