मुंबई-गोवा महामार्गावर दुचाकी-कारची समोरासमोर धडक

खेड : मुंबई-गोवा राष्ट्रीय महामार्गावर खेड तालुक्यातील जाधव पेट्रोल पंपासमोर दुचाकी आणि कारची समोरासमोर जोरदार धडक होऊन अपघात झाला. या अपघातात काही जण जखमी झाल्याची प्राथमिक माहिती आहे.
धडक इतकी जोरदार होती की दोन्ही वाहनांचे मोठ्या प्रमाणात नुकसान झाले. अपघाताची माहिती मिळताच स्थानिक नागरिकांनी घटनास्थळी धाव घेतली. जखमींना तातडीने उपचारासाठी कळंबणी उपजिल्हा रुग्णालयात हलविण्यात आले.
अपघात नेमका कोणत्या कारणामुळे झाला, याबाबतची अधिकृत माहिती अद्याप समोर आलेली नाही. अपघातामुळे महामार्गावरील वाहतुकीवर काही काळ परिणाम झाला होता.
दरम्यान, जखमींची प्रकृती आणि अपघातातील जखमींचा नेमका आकडा याबाबत अधिकृत माहिती मिळणे बाकी आहे. या घटनेचा पुढील तपास संबंधित यंत्रणांकडून करण्यात येत आहे.
महामार्गावर वाहन चालविताना चालकांनी वेगावर नियंत्रण ठेवून काळजीपूर्वक वाहन चालवावे, असे आवाहन करण्यात येत आहे.