नेवल युनिट एन सी सी वार्षिक प्रशिक्षण शिबीर १०
नोव्हेंबरपासून रत्नागिरी, दि. १ )- २ महाराष्ट्र नेवल युनिट एन सी सी कार्यालयाकडुन मेनु-२६ वार्षिक प्रशिक्षण शिबीर राबविण्यात येत असून, त्यामध्ये एकूण ६० राष्ट्रीय छात्र सेनेच्या मुलामुलींचा सहभाग आहे. या शिबीराचा कालावधी १० नोव्हेंबर ते १९ नोव्हेबर पर्यंत आहे. रत्नागिरी येथून प्रारंभ होत असून, रनपार, पावस, पुर्णगड, आंबोळगड, जैतापुर, विजयदुर्ग आणि परत त्याच मार्गाने रत्नागिरी येथे समाप्त होणार आहे. शिबिराचे प्रमुख सुत्रधार कमांडर रामांजुल दीक्षित, समादेशक अधिकरी २ महा नेवल युनिट एन सी सी यांच्या निरिक्षण व अनमोल मार्गदर्शनाखाली होणार आहे.
या शिबिरासाठी संपूर्ण महाराष्ट्रातून म्हणजेच रत्नागिरी, मुंबई, पुणे, नागपूर मधुन राष्ट्रीय छात्र सेनेचे कॅडेट सहभागी होत आहेत.
या दरम्यान विविध उपक्रम राबविण्यात येणार असून स्वच्छतेबाबत जनजागृती अभियान “स्वच्छ कोंकण, समुद्र कोंकण, सुंदर कोंकण” यावर आधारित पथनाट्यातून राष्ट्रीय छात्र सेनेच्या कॅडेटमार्फत सागरी किनारे स्वच्छतेचा संदेश देण्यात येणार आहे व तसेच रैपलींग, ट्रेकींग, अॕडवेन्चर अॕक्टीवीटी, पथनाट्य असे विविध उपक्रम होणार आहेत.
या कॅम्प मध्ये ०२ भारतीय नौसेना अधिकारी, ०२ एन सी सी अधिकारी, ०२ गर्ल्स कॅडेट इन्सक्टर, ०१ नौका प्रतिमान निर्देशक, ११ भारतीय नौसेना कर्मचारी, ०१ आर्मी वैदयकीय कर्मचारी ०८ राज्य शासकीय कर्मचारी स्टाफ, व राष्ट्रीय छात्र सेनाचे ३० मुले व ३० मुलींचा सहभाग होणार आहे.
या शिबीराचे पूर्व प्रशिक्षण म्हणुन प्रि मेनु कॅम्प २४ ऑक्टोवर ते २ नोव्हेबर २५ यशस्वीरित्या संपन्न झाले आहे. त्यामध्ये एकूण १२० राष्ट्रीय छात्र सेनेच्या मुले व मुलींचा सहभाग होता. यामधून पुढील शिबिरासाठी ६० मुले व मुलींची निवड केली जात आहे. या शिबिरामध्ये सागरी प्रशिक्षण, शिडांच्या नौकाचे प्रशिक्षण, सागरी बचाव प्रशिक्षण देण्यात आले.
