समुद्रातील प्रदूषणाचा फटका, पांढरा डॉल्फिन मृत अवस्थेत दापोली हर्णे किनाऱ्यावर
सध्या रत्नागिरी जिल्ह्यातील दापोलीतील हर्णे समुद्रकिनाऱ्यावर एक डॉल्फिन मृतावस्थेत आढळला आहे. समुद्रकिनाऱ्यावर आलेल्या या डॉल्फिनचा व्हिडीओ सध्या सोशल मीडियावर व्हायरल होत आहे. डॉल्फिनच्या मृत्यूचे कारण अद्याप स्पष्ट झालेले नाही.स्थानिक मच्छिमारांनी जखमी डॉल्फिनला वाचवण्यासाठी सर्वतोपरी प्रयत्न केले, परंतु तो वाचला नाही. दरम्यान, सध्या समुद्रातील प्रदूषण खूपच वाढले आहे. तेलगळती तसेच मानवी कचऱ्यामुळे या प्रदूषणात भरच पडली आहे. त्यामुळे जलचर प्राणी दगावण्याचे प्रमाण वाढलेले आहे.असे असतानाच हा पांढऱ्या रंगाचा डॉल्फिन रत्नागिरीच्या समुद्रकिनारी मृतावस्थेत सापडल्यामुळे वेगवेगळे तर्क लावले जात आहेत.
