दापोली तालुक्यातील पार्थ तोडणकर याच्या टीमने जिंकली रशियामध्ये हॅकेथॉन

रशियातील एकातेरिनबर्ग येथील उरल फेडरल युनिव्हर्सिटीद्वारे आयोजित आंतरराष्ट्रीय हॅकेथॉनची दापोली तालुक्यातील आंजर्लेमधील पार्थ तोडणकर आणि त्यांची टीम विजेती ठरली आहे. यामुळे पुन्हा आंतरराष्ट्रीय पातळीवर दापोलीच्या टॅलेंटची चर्चा होत आहे.
२२ हून अधिक देशांनी सहभाग घेतलेल्या या तीव्र स्पर्धात्मक कार्यक्रमात पार्थ व त्यांच्या टीमने नाविन्यपूर्णतः, समस्या सोडविणे व तंत्रज्ञानावर आधारित विचारसरणीमध्ये तेजस्वी कामगिरी करत भारताचे प्रतिनिधीत्व केले. जगभरातील प्रतिभांमध्ये उभे राहून त्याचा विजय केवळ त्याच्यासाठीच नाही तर संपूर्ण भारतीय तंत्रज्ञान समुदायासाठी एक तेजस्वी क्षण आहे, अशी प्रतिक्रिया पार्थच्या पालकांनी दिली. पार्थचे यश हे उत्कटतेने उद्देश पूर्ण झाल्यावर काय घडते, याचा पुरावा आहे व स्थानिक मुळांद्वारे जागतिक प्रभावावर विश्‍वास ठेवणार्‍या प्रत्येक भारतीयांसाठी हा अभिमानाचा क्षण आहे. सीमांच्या पलिकडे पोहोचणार्‍या भारतीय ××उत्कृष्टतेची ही कहाणी साजरी करूया, अशी प्रतिक्रियाही त्यांनी दिली.
पार्थ सध्या नवी मुंबईतील डी. वाय. पाटील विद्यापीठात बी. टेकच्या चौथ्या वर्षात आहे. त्याचे वडील आयटी उद्योगात काम करत असल्याने अशा कुटुंबातून आलेला पार्थ नेहमीच तंत्रज्ञान व नाविन्यपूर्णतेबद्दल खोलवरचा उत्साह दाखवत आहे. त्याची हुशारी पाहून रामराव आदिक इन्स्टिट्यूट ऑफ टेक्नॉलॉजीने त्याची रशियामधील उन्हाळी इंटरशिप कार्यक्रमासाठी निवड केली. ज्यामुळे त्याच्या आंतरराष्ट्रीय प्रदर्शनाचा व वाढीचा मार्ग मोकळा झाला.www.konkantoday.com